O Teatro Jofre encheuse para escoitar os poemas musicados de “O meu primeiro Celso Emilio”

Nov 17, 2012 editor de CEF novas

17-11-2012, Diario de Ferrol

Ante un Jofre ateigado –desde o martes xa non quedaban entradas– a lembranza á poesía de Celso Emilio Ferreiro volveu inzar de emoción o teatro ferrolán na presentación da obra didáctica “O meu primeiro Celso Emilio” (Edicións Xerais), elaborado por Xosé e Xiana Lastra neste ano que é o do centenario do escritor celanovés.

Trala presentación do volume, o espectáculo trasladouse ao escenario coa música que inclúe este libro-disco. As súas voces, María Manuela, Xiana Lastra e Mini e Mero, interpretaron os poemas musicados do mestre de Celanova, pezas entre as que non faltaron “Erguerémo-la espranza”, “Eu en ti”, “Agardarei” ou tamén unha cantiga adicada ao propio poeta “Cantiga a morte de Celso Emilio Ferreiro”

Entre tema e tema, na pantalla do Jofre proxectouse un audiovisual que ía debullando a vida e obra do escritor. Ademais dos cantantes do proxecto, tamén estaban músicos que interviron na gravación e outros a maiores, como o pianista Pablo Sabio, Xurxo Varela, o baixista Manolo Dopico, Paco Barreiro, Nuria Lestegás ou Roberto Grandal, que xa puxeron música ao espectáculo noutras localidades.

Pola mañá, houbo unha presentación previa para 500 escolares de Ferrol

 

Artigos relacionados


Inauguración da cuarta tempada de “Poesía de OídAs” – Sesión de diciembre: Homenaxe a Celso Emilio Ferreiro no seu centenario
Homenaxe a Celso Emilio na Casa dos Poetas de Celanova (II)
Reivindicando a Celso Emilio