Onte na Feira do Libro de Lugo, tivo lugar a presentación da biografía “Onde o mundo se chama Celso Emilio Ferreiro”. O acto contou cóa presenza de Manuel Bragado ( Director de Edicions Xerais ),
Ramón Nicolás (autor do libro) e Luis Ferreiro (Director da Fundación Celso Emilio Ferreiro).
Ramón Nicolás expricou como foi a xestación do libro perante sete anos de investigación en arquivos, entrevistas e o estudo do espistolario que custodia a Fundación Celso Emilio Ferreiro.
Asimesmo puxo especial fincapé na abundosa documentación que sobre a vida e a obra de Celso Emilio aporta a biografía.

O CPI A Picota de Mazaricos foi o lugar onde se desenvolveu unha xornada cultural e festiva en honra de Celso Emilio Ferreiro.
Alumnado e profesorado depositaron o mellor que puideron ofrecer nesta xornada como se espellou na paixón coa que os primeiros recitaron poemas, escenificaron outros e musicaron composicións de Celso Emilio.
Luís Ferreiro desvelou claves da vida cotiá co seu pai e García Mc interpretou clásicos como «Deitado fronte ao mar» ou «Son un pasmón», con esa forza e sentimento que sempre o caracterizaron. Ramón Nicolás espricou as claves da súa biografía “Onde o mundo se chama Celso Emilio Ferreiro”.
Unha aula do centro conta, desde hoxe, co nome de Celso Emilio Ferreiro. O eixo dos actos ademais da poesía a da música foron os versos de Celso “mais o lume que alampea, xamais o verédes morto”.
Ao remate dos actos os alumnos agasallaron a Fundación Celso Emilio Ferreiro cun dibuxo de Celso Emilio feito por eles mesmos.

A Academia de Cine proyectou onte  9 de maio o documental  ’100% CEF’, un largometraxe  sobre Celso Emilio Ferreiro. O seu  director, Aser Álvarez, contou para o seu proxecto coa colaboración do actor lucense Luis Tosar. A vida e a obra do autor de Longa noite de pedra. O documental realízouse  no ano 2012 cando se conmemoraba o Centenario do nacemento de Celso Emilio Ferreiro. A cinta foi proxectada pola Academia das Artes e das Ciencias Cinematográficas no marco dun ciclo que inclúe outros traballos galardonados na derradeira edición dos premios Mestre Mateo que concede a Academia Galega do Audiovisual.

O Martes 28 de Maio 2013 as 20:00 horas tera lugar o concerto “O meu primeiro Celso Emilio cun Cartafol de soños”  no Salón de Actos do IES Fernando Wirtz de A Coruña.
Cantan María Manuela, Mero, Mini, Xiana Lastra e a colabouración de Salman Zahir.

Interveñen os escritores Xosé M. Sánchez Rei e Alberte Suras. 

A Asociación de Escritores en Lingua Galega (AELG) celebrou onte no centro Ágora da Coruña a súa Gala das Letras, na que entregou os premios anuais ás mellores obras literarias publicadas durante os últimos doce meses. Os títulos gañadores foron elixidos polos 425 socios da entidade.
Foi elixido na categoría de ensaio  “Onde o mundo se chama Celso Emilio Ferreiro” biografía escrita polo profesor Ramón Nicolás, asimesmo Ramón Nicolás foi premiado tamén polo mellor blog literario,  Caderno da crítica.
Beizóns a Moncho Nicolás.

Manuel Baltar Presidente da Diputación Provincial de Ourense, entregou o premio a Aser Álvarez.
Aser Álvarez reivindicou o “compromiso social” de Celso Emilio Ferreiro, ao recibir o premio Xosé Aurelio Carracedo de Xornalismo, organizado pola Diputación de Ourense, que lle correspondeu polo documental 100% CEF. Unha biografía de Celso Emilio Ferreiro. O xurado destacou a “innovación no tratamento informativo”, ao conxugar elementos informativos con técnicas e narrativas cinematográficas, no documental que protagoniza o actor Luís Tosar, representando a Celso Emilio Ferreiro.
Aser Álvarez mostrouse “moi agradecido” porque, “máis que un premio é un recoñecemento á traxectoria vital de Celso Emilio Ferreiro e ao seu xeito de entender a vida, coa palabra social en mayúsculas”. O presidente da Diputación, Manuel Baltar, defendeu a liberdade de prensa e cualificou o xornalismo como “un dos alicerces esenciais do estado social, democrático e de dereito”.

O Centro de Estudos Galegos da Universidade de Padova foi invitado polo Universidade de “La Sapienza” de Roma a levar a cabo na vindeira semana dúas conferencias;a primeira baseada na figura de Celso Emilo Ferreiro.
O martes 7 de maio o Dr. Giovanni  Borriero fará a súa sesión baixo o título: In margine alla traduzione di “Longa noite de pedra” di Celso Emilio Ferreiro ( Consideracións sobre a tradución de Longa noite de Pedra de Celso Emilio Ferreiro ).

O mércores 8 de maio a Dra. Gemma  Álvarez Maneiro presentará a súa ponencia titulada: Día das Letras Galegas. Origine, percorso storico e attualità ( Orixen, percorrido istórico e actualidade ). Que engloba a todas as figuras homenaxeadas, entre elas a Celso Emilio.
                 

DO 6 ao 20 DE MAIO , Semanas de Cultura Galega en Berlín 2013  co gallo do ‘DÍA DÁS LETRAS GALEGAS’.

O Lectorado de Galego da Universidade Libre de Berlín e o Instituto Cervantes, invitan a participar nunha serie de eventos en torno á poesía, a música e o cine de autores galegos, con motivo do 175º aniversario do nacemento de Rosalía de Castro, a gran figura do ‘Rexurdimento’ da literatura galega. Fai exactamente 150 anos publicábase tamén ‘Cantares Galegos’, o seu primeiro libro escrito enteramente en galego. Tomando a data da publicación como referencia, cada 17 de maio celébrase, desde 1963, o ‘Día dás Letra Galegas’ en Galicia e na maioría das comunidades de galegos do mundo. Nese marco, presentarán ao público berlinés, entre o 6 e o 20 de maio, unha serie de actividades que darán comezo o vindeiro luns, 6 de maio, ás 21.00 h., coa actuación do gaiteiro, Carlos Núñez, en ‘Babylon Mitte’, un coñecido cine situado no centro de Berlín, que, ademais, ofrece espazo para concertos e outros eventos culturais.

Finalizan as actividades en torno ao ‘Día dás Letra Galegas’ co documental 100% CEF, filme sobre o poeta galego Celso Emilio Ferreiro, con Luís Tosar no rol do autor de Celanova falecido en Vigo en 1979. Na realización deste documental interviñeron unhas cen persoas, entre elas moitos dos familiares do poeta, artistas, músicos e intelectuais contemporáneos. A cinta, que foi premiada en Galicia co Premio Mestre Mateo 2013 á mellor documental e tamén co premio Xosé Aurelio Carracedo da Deputación de Ourense, ofrece así unha ampla visión da personalidade e obra do escritor e político galego.

O seu director, Aser Álvarez, asistirá  á presentación do filme en Berlín.

	Lunes 20 Mayo, 20 de 2013j                              100% Celso Emilio Ferreiro
	Documental 2012, 60 min, Director: Aser Álvarez, subtítulos en inglés.                                          La documentación testifica  la importancia del poeta gallego Celso Emilio Ferreiro (Celanova, 1912 – Vigo, 1979). Declaraciones y entrevistas con casi un centenar de personas, entre familiares, amigos, profesionales, artistas, músicos, así como rostros conocidos y desconocidos, recitar, leer poesía o el rap, crea un retrato extraordinariamente polifacético. El papel del poeta lo interpreta el actor Luis Tosar. El trabajo de la película fue galardonada con el premio gallego Mestre Mateo 2013 al mejor documental.

Babylon
Rosa-Luxemburg-Str. 30
10178 Berlin
Tel.: 030 2425696
Entrada: 7 € / para alumnos do Instituto Cervantes 4 €

O xurado da XXVIII edición do Premio Antón Losada Diéguez, que se reuniu onte no Carballiño, elexiu na modalidade de Investigación e Ensaio o titulo ‘Onde o mundo se chama Celso Emilio Ferreiro’, de Ramón Nicolás (Edicións Xerais).

A Casa da Cultura de Redondela acollerá hoxe mércores, 24 de abril, ás 20.30 horas, a proxección do documental 100% CEF e o posterior coloquio co seu director, Aser Álvarez. 100% CEF foi realizado en 2012, xustamente no centenario do nacemento de Celso Emilio Ferreiro, o autor celanovés que se converteu nun dos poetas máis populares e musicados de Galicia e España. O documental gravado en Celanova, Acevedo, Vigo, Pontevedra, Santiago, Asturias e Ourense, está baseado en máis de 50 entrevistas, colaboracións artísticas, lecturas de poemas e versións musicais que axudan a construír un retrato contemporáneo do escritor. A complexa e ampla figura de Celso Emilio e a importancia da súa obra reconstrúense a través de entrevistas con familiares, expertos, historiadores, literatos e amigos, da participación de persoas anónimas e coñecidas que recitan, len, rapean ou cantan os seus poemas, e conta, ademais, coa interpretación de Luís Tosar no papel do propio Celso Emilio. Para fiar toda esta información sérvese da frase feita “facer un pandeiro de Celso Emilio Ferreiro”, que se converte en fío condutor no documental, onde se usa o propio instrumento de percusión do poeta para recuperar o carácter máis rítmico, auténtico, musical e popular do seu discurso poético. A traxectoria vital do autor, as súas circunstancias e a evolución da súa propia obra van aparecendo ordenadas cronoloxicamente, adobiadas cun contido emocional onde a súa poesía nos chega dende diferentes achegas e interpretacións. Leva participado en varios festivais nacionais e internacionais de documental, e obtivo o premio ao mellor documental nos Premios Mestre Mateo 2013 da Academia Galega do Audiovisual, e tamén o premio de xornalismo Xosé Aurelio Carracedo da Deputación de Ourense

. A entrada é libre.