Celso Emilio xa ten rúa en Caracas


Caracas adiántase á celebración do centenario do nacemento de Celso Emilio Ferreiro no 2012 dándolle o nome do poeta a unha rúa da capital.

A Alcaldía de Caracas aprobou o cambio de nome da cuarta transversal de Maripérez, rúa onde residiu o poeta durante a súa etapa venezolana, polo de cuarta transversal Celso Emilio Ferreiro Míguez.

A Fundación Celso Emilio Ferreiro ve así cumprido este obxectivo polo que comezou a loitar no ano 2009 e que contou co informe favorable do cronista da capital caraqueña, quen considerou a decisión do cambio de nome “plenamente xustificada, non só en atención á traxectoria literaria do poeta Ferreiro Míguez, senón que, ao propio tempo, coñecemos o compromiso social e político que acompañou a este insigne poeta ao longo de toda a súa prolífica vida”.

Artigos relacionados


“El dedo en la llaga”, poema de Celso Emilio cantado por Xulio Formoso
Celso Emilio no MOME da Estrada
Conferencia de Xesús Alonso Montero, sobre CELSO EMILIO FERREIRO