Ourense reivindicou a Celso Emilio Ferreiro no Día da Poesía

Mar 24, 2012 editor de CEF novas

 

Recollemos a noticia e fotografía publicada en La Voz de Galicia o 22 de marzo de 2012:

O Pen Clube de Galicia e a Deputación de Ourense reivindicaron onte a figura e a obra de Celso Emilio Ferreiro na celebración do Día Internacional da Poesía. Nos actos participou o conselleiro de Cultura, Xesús Vázquez Abad, e estaba prevista a presenza do presidente da Real Academia Galega, aínda que Méndez Ferrín non puido acudir polo pasamento dun familiar. Luís González Tosar, presidente do Pen, introduciu o acto lendo A poesía é verdade, do poeta de Celanova, e lembrando a figura «do poeta maior» ao que tivo «a honra de coñecer». Manuel Baltar, presidente da Deputación, ratificou o compromiso do organismo cos actos do centenario do escritor -na sesión proxectáronse fotos mercadas pola Deputación a Foto Villar da homenaxe ao poeta en 1966, antes de emigrar a Venezuela- e Xesús Vázquez dixo que a consellería axudará «a sacar a poesía á rúa».

 

Artigos relacionados


Longa noite de pedra (edición bilingüe). Artigo de Fran P. Lorenzo en El Correo Gallego
Celso Emilio, Tríadas de Amor al Pueblo
Presentación do libro “Cartafol de soños, homenaxe a Celso Emilio Ferreiro no seu centenario”