Mostra interactiva da vida e da obra de Celso Emilio na Biblioteca Central de Vigo

Jun 12, 2012 editor de CEF novas

10 de Xuño do 2012
A biblioteca Central de Vigo acolle a mostra interactiva sobre a vida e obra do escritor Celso Emilio Ferreiro, de quen se conmemora o centenario do seu nacemento e os 50 anos da publicación da súa poemario “Longa noite de pedra”.

Á súa chegada a Vigo, esta mostra finaliza a primeira etapa da súa itinerancia, que retomará tralo verán cunha xira por diversos centros educativos das catro provincias galegas.

A exposición, que se poderá visitar na biblioteca central viguesa ata o 28 de xuño, baséase nun formato interactivo e novedoso que inclúe imaxes, poemas musicados, audiovisuales, xogos interactivos e grabaciones sonoras de textos recitados polo propio homenaxeado.

Ademais da instalación multimedia, os visitantes poderanse achegar tamén ao poeta de Celanova a través dalgúns dos seus obxectos persoais, entre os que se inclúen unhas lentes, a súa máquina de escribir e unha cámara fotográfica.

Esta exposición itinerante enmárcase no programa de actividades da Xunta para conmemorar o Ano Celso Emilio Ferreiro, declarado polo Parlamento de Galicia con motivo do centenario do nacemento do poeta.

Unha desas actividades é o concerto do 26 de xuño no Centro Cultural Novacaixagalicia en Vigo, que congregará algunhas das novas voces máis representativas tanto do ámbito musical como do literario galego: Ataque Escampe, Frans Banfield e Patricia Moon, Coke Céspedes e Davide, entre outros.

Artigos relacionados


María Soliña, Coro Joven de la Orquesta Sinfónica de Galicia
Celso Emilio en México. Son un Pasmón, cantado por García MC
Celso Emilio no “Festival de Cine Internacional de Ourense”