Xesús Alonso Montero pecha o Curso sobre Celso Emilio, na Casa da Cultura de Noia

Jun 12, 2012 editor de CEF novas

12 de Xuño 2012

O escritor e académico Xesús Alonso Montero encargouse de clausurar o curso sobre Celso Emilio Ferreiro  que se celebrou en Noia, na Casa da Cultura.
María Golán, profesora no instituto Virxe do Mar foi a introdutora do acto.
Alonso Montero é, xunto con Xosé Luís Méndez  Ferrín, un dos maiores coñecedores -referíndose a trato directo- do autor de Longa noite de pedra. Iso permitiulle, segundo explica Xavier Castro, coordinador do curso, facer un percorrido persoal e íntimo pola vida e obra de Celso Emilio, sobre todo a partir do ano 1959, no cal coñecéronse.

Durante máis de hora e media, encandeou ao público co seu gran poder de oratoria. Alí estaban, entre outros, Xerardo Agrafoxo, Bieito González ou Agustín Agra. «Atrae a moita xente, capta moi ben a atención e é unha persoa que sempre está disposta a colaborar connosco cando llo solicitamos», apuntou Xavier Castro.
A de Alonso Montero foi unha visión distinta, un relato en primeira persoa no que el destacou o carácter plural de Celso Emilio, unha das ideas crave expostas no curso.


 

Artigos relacionados


Roteiro Cultural
Recordatorio Iº Premio Celso Emilio Ferreiro de Poemas Musicados
Artigo sobre Celso Emilio Ferreiro de Kepa Arbizu, en Terc3ra información