Nace Celso Emilio o día catro de xaneiro de 1912 en Celanova, vila que constituirá un elemento axial na súa produción literaria.
Ao estoupar a guerra civil Celso Emilio é chamado a filas cos mozos da súa quinta e destinado á fronte de Asturias.
Oposita e gaña o posto de Secretario e logo de Xefe de Xustiza na Fiscalía de Taxas de Pontevedra, onde traballou nove anos.
En outubro de 1949 obtén o título de Procurador dos Tribunais e en setembro de 1950 marcha a Vigo a exercer como tal.
Sae cara a América logo de sentir moi próximo o alento da persecución das forzas represivas franquistas.
En 1973 retorna a España con destino a Madrid logo de que Álvaro Gil o contrate para traballar na revista Tribuna médica.
