“Xigantes ou ananos? Celso Emilio e o debate sobre a emigración galega”, no Consello da Cultura o 24 de maio

Feb 20, 2012 editor de CEF novas

O Consello da Cultura Galega celebrará o vindeiro 24 de maio a xornada “Xigantes ou ananos? Celso Emilio Ferreiro e o debate sobre a emigración galega”. Tres relatorios e unha mesa redonda abordarán a biografía político-intelectual de Celso Emilio (Celanova, 1912-Vigo, 1979) no marco dos actos conmemorativos do seu centenario. Coordina a xornada o profesor Xosé Manoel Núñez Seixas.

Tátase de debater a actualidade dos plantexamentos críticos verbo do papel histórico e presente da emigración galega, reavaliando dende unha perspectiva actualizada a discusión que provocara a aceda crítica ás colectividades de emigrantes galegos en Venezuela, contida no o libro “Viaxe ao país dos ananos”, e de ver cáles poderian ser os paralelismos e as leccións desa discusión no presente.
A xornada abordará asemade o contexto migratorio dos galegos en Venezuela e a discusión provocada por “Viaxe ao país dos ananos”.

Na sesión da mañá, a partir das 10 horas, presentarán os seus relatorios: Ramón Nicolás (Celso Emilio Ferreiro: Unha biografía político-intelectual); Raúl Soutelo Vázquez (A inmigración galega en Venezuela en tempos de Celso Emilio) e Xosé M. Núñez Seixas (Revisando os ananos: A interpretación da emigración galega en Celso Emilio Ferreiro).

Pola tarde, nunha mesa redonda analizaranse o tema “Ananos ou xigantes? A actualidade do debate sobre a emigración, 40 anos despois”.

Artigos relacionados


Agardarei, poema de Celso Emilio cantado por “ELADIO Y LOS SERES QUERIDOS”
Celso Emilio, poema “Os Fillos de Silvio”, adicado aos renegados da súa orixe
“En galego falo, en galego sinto, en galego canto, sabes que non minto”, En gallego hablo, en gallego siento, en gallego canto, sabes que no miento