Credo

 
“Creo que os homes pecan sete veces, 
por sete veces sete cada día, 
creo na xeometría, 
creo no átomo tan pequeniño, 
pero que haxa unhos seres 
capaces de leer tranquilamente os xornales 
sin sentir tremer de noxo as vísceras, 
nunca podréi creelo”.
 
Celso Emilio Ferreiro
/por

Dun tempo e dunha Terra

Antoloxía da obra poética de Celso Emilio Ferreiro con prólogo de Gonzalo Navaza e ilustracións de David Pintor. Unha edición de EDELVIVES onde a ilustración axuda a enxalzar a voz do poeta. Os poemas que se recollen son tirados de: 11 de O soño sulagado, 21 de Longa noite de pedra, 4 de Viaxe ao País dos Ananos, 2 de Antipoemas, 1 de Terra de ningures, 5 de Onde o mundo se chama Celanova, 1 de Cantigas de escarneo e maldecir e 1 de Cimenterio privado.

Afirma Navaza no seu prólogo:

 Longa noite de pedra ábrese cunha cita do italiano Salvatore Qusaimodo: “Ser dun tempo e dunha terra. Eis o segredo da poesía máis humana e verdadeira”. A poesía de Celso Emilio Ferreiro atense a ese principio. Por máis que na súa obra atopemos outros temas e rexistros, foi sobre todo a súa poesía social, nacida do compromiso co seu tempo e a súa terra, a que lle valeu o recoñecemento dos seus contemporáneos
/por

Unha lectura persoal de Celso Emilio Ferreiro

 

 

Organizado polo Club de lectura 5.1. da Escola Oficial de Idiomas de Vigo, nesta próxima segunda feira (luns) teremos connosco Xosé María Álvarez Cáccamo para falar de Celso Emilio Ferreiro, a súa vida e a súa obra. O título da conferencia-coloquio é: Unha lectura persoal de Celso Emilio Ferreiro.

DÍA: 7 de maio de 2012

HORA: 20.00

LUGAR: Aula Magna da EOI de Vigo, Av. E. Martínez Garrido, 17-36205 , VIGO

            .

/por

Monográfico da revista Raigames sobre Celso Emilio Ferreiro e Valentín Paz Andrade

 

O número 36 da revista Raigames, que vén de saír á luz, dedícase en exclusiva aos protagonistas literarios deste ano: Celso Emilio Ferreiro e Valentín Paz Andrade.

Respecto do autor celanovés colaboran Luís Ferreiro, Francisco López-Barxas, Antonio Piñeiro, Afonso Vázquez-Monxardín Fernández, José Ángel García López e Ramón Nicolás. Pódese descargar premendo aquí e procurando a entrega nº 36, ao final da listaxe.

/por