May 5, 2012 novas
Co gallo do centenario do nacemento de Celso Emilio Ferreiro e o 50 aniversario da publicación da súa obra “Longa noite de pedra”, a asemblea de Vigo da Liga Estudantil Galega organiza un acto homenaxe sobre o autor e a obra.
Este acto celebrarase o vindeiro luns 7 de maio ás 12:00 no Salón de actos da facultade de Filoloxía e Tradución do campus de Vigo. Nel, contaremos coa presenza do profesor Manuel Forcadela e a continuación, María Lado e Lucía Aldao realizarán unha actuación-recital.
