O CONCELLO DE LALÍN DEDICARÁ A CELSO EMILIO FERREIRO UNHA RÚA OU UN ESPAZO PÚBLICO

Jan 12, 2013 editor de CEF novas

12-01-2013,Concello de Lalin

 

Anunciouno o alcalde, José Crespo, no transcurso da inauguración da exposición interactiva multimedia en homenaxe ao poeta celanovés, que tivo lugar no Auditorio, e á que asistiron os secretarios xerais de Cultura, Anxo Lorenzo, e de Política Lingüística, Valentín García, ademais dos concelleiros María Álvarez e Manuel González Aller

Abrindo os actos de homenaxe do Concello de Lalín a Celso Emilio Ferreiro, onte tivo lugar no Auditorio lalinense a inauguración da exposición interactiva multimedia sobre este destacado poeta, escritor e galeguista con motivo do seu centenario. Unha mostra que incorpora obxectos persoais, fotos, poemas musicados, narraccións de poesías coa propia voz de Ferreiro, e na que estiveron presentes o alcalde de Lalín, José Crespo; o secretario xeral de Política Lingüística, Valentín García; o secretario xeral de Cultura, Anxo Lorenzo e os edís María Álvarez e Manuel González Aller. Participaron nela ao redor dun público conformado por 60 persoas, procedentes de centros educativos e do mundo artístico da comarca.

Crespo destacou a especial vinculación que Celso Emilio Ferreiro tivo con Lalín, xa que foi amigo de Laxeiro, degustou cocido con Castroviejo e foi pregoeiro da Feira do Cocido en 1978, un pregón do que se conserva copia e que “se nota que o preparou”. Por este especial arraigo do poeta celanavés con Lalín, Crespo anunciou que ao longo deste ano se lle dedicará unha rúa ou un espazo público: “Celso Emilio Ferreiro terá un recuncho en Lalín, KM0 de Galicia, a modo de recoñecemento á traxectora deste gran poeta”.

Valentín García tamén abondou na relación de Ferreiro con Lalín, especialmente con Laxeiro e co escritor Ramón de Valenzuela e Anxo Lorenzo subliñou que en 2012 non acaba o ano de Celso Emilio, continúa para seguir poñendo en valor a súa obra.

 

Artigos relacionados


“En galego falo, en galego sinto, en galego canto, sabes que non minto”, En gallego hablo, en gallego siento, en gallego canto, sabes que no miento
Espranza, poema de Celso Emilio cantado polo grupo “Tiro na Testa”
A Obra de Celso Emilio en Georgia e Kentucky