Exposición conmemorativa dos 50 anos da publicación de Longa noite de pedra

Segundo informa hoxe El Correo Gallego a Biblioteca Novacaixagalicia de Santiago de Compostela, dirixida ao público infantil e xuvenil, prepara catro mostras bibliográficas que se poderán visitar nas súas instalacións de Frei Rosendo Salvado. Entre elas salientamos a titulada “Celso Emilio Ferreiro: 50 anos da publicación de Longa noite de pedra”, que se poderá visitar na biblioteca ao longo deste mes de marzo, en horario de 16,20 a 20,00. Desde a Fundación Celso Emilio Ferreiro agradecemos vivamente esta iniciativa.