Trinta mestres asisten en Noia a un curso formativo sobre Celso Emilio Ferreiro

05 de junio de 2012

Onte pola tarde dou comezo na casa de cultura de Noia un curso formativo dirixido a profesores no que se aborda a figura de Celso Emilio Ferreiro. Neste 2012 cúmprense cen anos do nacemento do escritor, de aí a organización desta actividade. Na sesión inaugural, presentada polo profesor Xavier Castro, coordinador do curso, interviron Luís Ferreiro, fillo de Celso Emilio e director da fundación que leva o nome de seu pai, así como Ramón Nicolás, biógrafo do escritor ao que se lle dedica esta actividade. Ambos fixeron un repaso pola biografía do autor de “Longa noite de pedra”. Na xornada desta tarde, que dará comezo ás oito, intervirá Baldo Ramos, escritor, poeta e pintor. Aínda que o curso se dirixe a mestres, poden acudir como público todas aquelas persoas que o desexen.