20-12-2012
Por iniciativa da RadioTV Wirtz do IES Fernando Wirtz, o alumnado do Instituto recitará poemas de Celso Emilio Ferreiroe directo, os días 19,20 e 21 de Decembro de 11:00 as 11:30 horas.
Organiza o equipo de Dinamización Lingüística e RadioTV Witrz.
18-12-2012
Data: 
19/12/2012
Hora:
as 20:00 h.
Entrada:
Libre
Agrupación Cultural Alexandre Bóveda.
Lugar / información:
Agrupación Cultural Alexandre Bóveda
Olmos, 16-18, 1º
Tlf. 981 200 869
info@acalexandreboveda.org
http://www.acalexandreboveda.org
18-12-2012
O 13 de decembro, na localidade madrileña de Arganda do Rei, iniciouse a cuarta tempada do ciclo de divulgación literaria “Poesía de Oídas”. Como velada de inauguración, e trala celebración en Arganda da VII Semana da Solidariedade e o Voluntariado, a poesía social volverá ser protagonista mercé á homenaxe que renderemos a un dos máis interesantes escritores comprometidos co progreso do noso país: o galego Celso Emilio Ferreiro (1912-1979), de quen neste 2012 cúmprese o centenario do seu nacemento. Combinando dinámicas propias do recital poético con estratexias de “radio-teatro”, o ciclo “Poesía de Oídas” é unha actividade encamiñada ao goce sensorial do verso, e busca, os primeiros xoves (non festivos) dos meses programados ao efecto, a formación de audiencias para a literatura no ámbito da Comunidade de Madrid, prestando atención fundamentalmente á gran poesía española e iberoamericana. A iniciativa conta co apoio e a colaboración da Concejalía de Mocidade de Arganda do Rei. Lugar e hora de celebración: Café-Teatro do Enclave Novo de Arganda, c/ Mar de Alborán, nº 1, Arganda do Rei (Madrid) / 20:00 hrs. Dirixe: Carolina Barreira. Presentan: Carolina Barreira e Antonio Daganzo. PARTITURA: IMPRESIÓNS RAPSÓDICAS
16-12-2012
A Fundación Luis Tilve remata de publicar o libro “Celso Emilio Ferreiro”, colaborando con elo a celebración do Ano Celso Emilio. Na elaboración do libro participaron UXT de Galicia e a Fundación Celso Emilio Ferreiro.
Será presentado o día 27 de Decembro as 19:30 no Liceo de Ourense.
13-12-2012
Venres, 14 de decembro, ás 18 hs, na Rúa Celso Emilio (esquina a Mayola) fronte ao Instituto de Canido – Ferrol.
Organizan e participan:
A Revolta de Trasancos, Ateneo Ferrolán, Bartoleta Teatro, Fuco Buxán, I.E.S. Canido, Lefre de Caldereta, Muiño do Vento, Poesía Salvaxe – Lendo Poesía.
http://www.fucobuxan.net/
Telef. 981325492
11-12-2012, Praza Pública
Arredor duns 30.000 rapaces duns 200 centros educativos de toda Galicia participarán este mércores nunha homenaxe a Celso Emilio Ferreiro a través dun recitado colectivo que servirá tamén como acto reivindicativo “en defensa da lingua”. Será ás 12 do mediodía, do día 12 de 2012 nunha actividade organizada pola Coordinadora Galega de Equipos de Normalización e Dinamización Lingüística (Cgendl).
Uns 30.000 rapaces recitarán á vez o poema ‘Deitado fronte ao mar’
A homenaxe centrarase nese recitado público, enorme e colectivo do poema Deitado fronte ao mar por parte de milleiros de cativos, á vez que nas redes sociais se promove “a mobilización” a través do hashtag #recitandocelsoemilio e mentres os centros escolares levan xa tempo elaborando vídeos, performances, murais e outros materiais ao redor deste poema do escritor de Celanova.
Será “unha homenaxe pública cunha acción de carácter colectivo que transmite toda a forza e a enerxía da súa palabra”
A Cgendl aproveita o centenario do nacemento do poeta para renderlle “unha homenaxe pública cunha acción de carácter colectivo que transmite toda a forza e a enerxía da súa palabra, símbolo permanente de valores de solidariedade e xustiza universais, pero tamén de compromiso cívico coa cultura e lingua de Galicia”.
Así, esta actividade, colectiva e simultánea, constará de diversas accións: O acto colectivo de recitado público simultáneo do poemaDeitado fronte ao mar,de Celso Emilio Ferreiro, publicado inicialmente no libro Longa noite de pedra (1962); un envío masivo a través das redes sociais do lema #recitandocelsoemilio, acompañado do texto do devandito poema, así como de lemas a prol do uso ea promoción do idioma.
Aínda que a homenaxe está centrada na actividade dos máis pequenos, tamén participarán un número moi significativo de colectivos vencellados á comunidade educativa, ao tempo que a Cgendl aclara que “a actividade está aberta á participación doutras entidades e colectivos, como concellos, asociacións culturais, bibliotecas e clubs de lectura”.
“O obxectivo central deste acto é manter viva a memoria dun dos grandes poetas galegos do século XX a través da posta en valor dun dos seus poemas máis emblemáticos, cuxa temática é unha mostra do orgullo pola nosa lingua que desde a Cgendl queremos promover”, aclara a Coordinadora.
10-12-2012
Tráiler do Documental 100% CEF.
O documental estrease o 12 de Decembro na TVG as 23:30 horas.
[button href=”http://vimeo.com/55263864″ color=”red” icon=”star” ]100% CEF[/button]
Mañá, mércores, 12/12/12 ás 23.30 a TVG estrea o documental “100% CEF” Esta longametraxe documental é o froito da edición e a montaxe de case cen horas de gravación con entrevistas, colaboracións artísticas, lecturas
de poemas e musicacións que axudan a debuxar un retrato contemporáneo e pouco académico de Celso Emilio Ferreiro, cen anos despois do seu nacemento.
Este traballo audiovisual, escrito e dirixido polo celanovés Aser Álvarez e con Luís Tosar no papel de Celso Emilio, foi gravado en Celanova, Acebedo, Vigo, Pontevedra, Santiago, Asturias e Ourense e vaise estrear o 12/12/12 na TVG, coincidindo cunha acción denominada #recitandocelsoemilio e que consiste na lectura simultánea do poema “Deitado frente ao mar”, en máis de 200 centros de ensino de Galicia.
A TVG, Xunta e os concellos de Pontevedra, Vigo e Celanova, ademais de ducias de empresas e particulares colaboran neste traballo, promovido por Arraianos e coproducido con Asombra.
“Celso Emilio non cabe en ningún documental”, sentencia o poeta venezolano Joaquín Marta Sosa no arranque deste traballo audiovisual, “unha aproximación contemporánea, non académica, viva e coido que sorprendente á polémica figura do poeta celanovés”, a través de testemuñas, intervencións artísticas, apropiacións musicais dos seus poemas e lecturas dos seus textos. “A idea fundamental era facer un documental contemporáneo que fose moi dinámica, moi coidada e agradable de ver mesmo para quen non saiba nada de Celso Emilio Ferreiro e para os que pensan que este tipo de traballos adoitan ser infumables mesmos para os eruditos”, asegura Aser Álvarez, quen se estrea tralas cámaras con este traballo que tamén guioniza.
Ao longo dunha hora de duración, Celso Emilio Fereiro (Celanova, 1912-Vigo, 1979) é (re) construído a través de entrevistas con familiares, expertos, historiadores, literatos, amigos e grazas á participación de persoas anónimas e coñecidas que recitan, len, rapean e cantan os seus poemas, demostrando que CEF é un dos poetas máis populares de Galicia. “É un documental biográfico pero que non aspira a abarcar toda a súa vida e obra, senón que se trata dun exercicio interpretativo onde lle damos voz a xente moi diversa e heteroxénea”,asegura o director, guionista e produtor executivo, Aser Álvarez. Este traballo audiovisual, que conta con Luís Tosar no papel de Celso Emilio, vai pechar os actos do Centenario de CEF, coa súa emisión na TVG o 2/12/12,coincidindo cunha acción simultánea de lectura de poemas nos centros de ensino de Galicia.
Esta montaxe é o resultado dun intenso traballo de investigación e achega á vida e obra do poeta de Celanova, que levou ao equipo dirixido por Álvarez a pescudar en arquivos de Asturias, Celanova, Madrid, Vigo,Pontevedra e Venezuela. Este “retrato poliédrico e moi ferreiriano” de CEF faise a través da conversa cos seus fillos, Isabel e Luís, os seus biógrafos, Xesús Alonso Montero e Ramón Nicolás, o seu amigo e paisano, o actual presidente da RAG, Xosé Luis Méndez Ferrín;Xosé Neira Vilas, Suso de Toro ou Xosé María Álvarez Cáccamo, Anxo Angueira e Daniel Salgado, entre outros. Os poemas chegan pola voz de cantantes como Luís Emilio Batallán, Xiana e Xosé Lastra, Mini e Mero,pero sobre todo co punk dos Labregos do Tempo dos Sputniks, e co rap máis contemporáneo de Ferriman, Nuno e Fred.
O documental tamén conta coas colaboracións de artistas como Baldo Ramos, que elabora un libro de artista que funciona como fío condutor do documental, Francisco Leiro, Manolo Paz ou Baldomero Moreiras, “que tamén nos axudan, dende diferentes disciplinas artísticas, a facer un pandeiro de Celso Emilio Ferreiro, cen anos despois do seu nacemento,convencidos de que o seu lume e o das súas ideas segue a alampear”, lembra o director, “porque ese lume que alampea é precisamente a radical vixencia e contemporaneidade da súa poesía e do seu discurso”.
10-12-2012
O 12/12/2012 as 12:00 horas:
Lectura do “Poema deitado frente ao mar” nos Centros de Ensino.
Deitado frente ao mar…
Língoa proletaria do meu pobo,
eu fáloa porque sí, porque me gosta,
porque me peta e quero e dame a gana;
porque me sai de dentro, alá do fondo
dunha tristura aceda que me abrangue
ao ver tantos patufos desleigados,
pequenos mequetrefes sin raíces
que ao pór a garabata xa non saben
afirmarse no amor dos devanceiros,
falar a fala nai,
a fala dos abós que temos mortos,
e ser, co rostro erguido,
mariñeiros, labregos da lingoaxe,
remo i arado, proa e rella sempre.
Eu fáloa porque sí, porque me gosta
e quero estar cos meus, coa xente miña,
perto dos homes bos que sofren longo
unha historia contada noutra língoa.
Non falo pra os soberbios,
non falo pra os ruís e poderosos,
non falo pra os finchados,
non falo pra os valeiros,
non falo pra os estúpidos,
que falo pra os que agoantan rexamente
mentiras e inxusticias de cotío;
pra os que súan e choran
un pranto cotidián de volvoretas,
de lume e vento sobre os ollos núos.
Eu non podo arredar as miñas verbas
de tódolos que sofren neste mundo.
E tí vives no mundo, terra miña,
berce da miña estirpe,
Galicia, dóce mágoa das Españas,
deitada rente ao mar, ise camiño…
Acostado frente al mar
Lengua proletaria de mi pueblo,/ yo la hablo porque sí, porque me gusta,/ porque se me antoja y quiero y me da la gana;/ porque me sale desde adentro, allá del fondo/ de una tristeza aceda que me rodea/ al ver tantos patufos descastados,/ pequeños mequetrefes sin raíces/ que al ponerse la corbata ya no saben/ afirmarse en el amor de sus antepasados,/ hablar la lengua materna,/ la lengua de los abuelos que tenemos muertos,/ y ser, con el rostro erguido,/ marineros, labradores del lenguaje/ remo y arado, proa y reja siempre./ Yo la hablo porque sí, porque me gusta/ y quiero estar con los míos, con la gente mía,/ cerca de los hombres buenos, que sufren mucho/ una historia contada en otra lengua./ No hablo para los soberbios,/ no hablo para los ruines y poderosos,/ no hablo para los finchados,/ no hablo para los vacíos,/ no hablo para los estúpidos,/ que hablo para los que aguantan regiamente/ mentiras e injusticias a diario;/ para los que sudan y lloran/ un llanto cotidiano de mariposas,/ de fuego y viento sobre los ojos desnudos./ No puedo distanciar mis palabras/ de todos los que sufren en este mundo/ Y tú vives en el mundo, tierra mía,/ cuna de mi estirpe,/ Galicia, dulce pena de las Españas/ acostada al ras del mar, ese camino.
Celso Emilio Ferreiro
10-12-2012
O día 12-12-2012 as 20:30 horas, no Restaurante Rúa de Santiago de Compostela, terá lugar unha Homenaxe a Celso Emilio Ferreiro .
I
05-12-2012,El Correo Gallego
A Consellería de Cultura, Educación e Ordenación Universitaria leva ao IES Lauro Olmo do Barco de Valdeorras unha exposición interactiva sobre a vida e a obra de Celso Emilio Ferreiro. A mostra, que estará no centro valdeorrés ata o vindeiro 12 de decembro, enmárcase dentro das actividades programadas pola Xunta para conmemorar o Ano Celso Emilio Ferreiro, declarado polo Parlamento de Galicia con motivo do centenario do nacemento do poeta.
Con esta mostra, os estudantes poderán achegarse ao poeta de Celanova a través dun formato interactivo e anovador que inclúe imaxes, poemas musicados, audiovisuais, xogos interactivos e mesmo gravacións sonoras co recitado de Celso Emilio Ferreiro. Ademais, xunto coa instalación multimedia, tamén se exhiben algúns dos seus obxectos persoais, entre os que se inclúen pezas significativas como unhas lentes, a súa máquina de escribir e unha cámara fotográfica.
Esta mostra interactiva, que está percorrendo centros educativos das catro provincias galegas, chegará proximamente ao IES de Celanova, na propia vila natal do autor, última parada da itinerancia que se levou a cabo 2012.
Un enfoque interactivo e lúdico para achegarse a Celso Emilio .Moitos dos contidos están accesibles vía web na páxina oficial do escritor, https://celsoemilioferreiro.org/, que puxeron en marcha este ano a Xunta de Galicia e a Fundación Celso Emilio Ferreiro.
No seu obxectivo de achegarlle a obra de Celso Emilio Ferreiro ao alumnado galego, a Secretaría Xeral de Cultura tamén promoveu a realización de dúas unidades didácticas interactivas sobre o poeta adaptadas aos niveis de primaria e secundaria. Ambas están dispoñibles no espazo Abalar da Consellería de Cultura e Educación, en http://www.edu.xunta.es/espazoAbalar/espazos/recursos.
A superación dos diferentes retos en forma de dameiros, chuvias de palabras e cuestionarios permítenlle ao alumno ir sumando puntuación como elemento de motivación para superar novas probas. No desenvolvemento destas actividades os participantes acceden a fotografías do autor, os seus textos orixinais e mesmo á voz de Celso Emilio recitando os poemas da súa autoría.
