O profesor Ramón Nicolás diserta sobre Celso Emilio Ferreiro no Ateneo de Santiago
O profesor Ramón Nicolás disertou o pasado 12 de xaneiro sobre Celso Emilio Ferreiro no Ateneo de Santiago. A súa intervención pódese seguir no seu blogue ou aquí abaixo:
Cultura e Educación difunde o legado de Celso Emilio Ferreiro en Pontevedra a través dunha exposición interactiva
A Consellería de Cultura, Educación e Ordenación Universitaria difunde o legado de Celso Emilio Ferreiro en Pontevedra a través dunha exposición itinerante que estará desde hoxe e ata o 11 de maio na biblioteca nodal da cidade. Para poñer en valor a vida e a obra do poeta e favorecer un maior coñecemento delas entre a cidadanía, a mostra baséase nun formato interactivo e novidoso que inclúe imaxes, poemas musicados, audiovisuais, xogos interactivos e mesmo gravacións sonoras co recitado de Celso Emilio Ferreiro.
Xunto coa instalación multimedia, as persoas que visiten a exposición tamén poderán achegarse ao poeta de Celanova a través dalgúns dos seus obxectos persoais, entre os que se inclúen unhas lentes, a súa máquina de escribir e unha cámara fotográfica.
Esta mostra itinerante que promove Cultura e Educación, a través da Secretaría Xeral de Cultura, enmárcase nas actividades programadas pola Xunta de Galicia para conmemorar o Ano Celso Emilio Ferreiro, declarado polo Parlamento de Galicia con motivo do centenario do nacemento do poeta.
A itinerancia da mostra iniciou o pasado mes de marzo na biblioteca pública Ánxel Casal de Santiago de Compostela e continuou na biblioteca nodal de Lugo. Logo do seu paso pola biblioteca de Pontevedra, onde permanecerá ata o 11 de maio, a mostra poderá visitarse na biblioteca González Garcés da Coruña entre o 14 e o 25 de maio, na Casa da Xuventude de Ourense entre o 28 de maio e o 8 de xuño e na biblioteca nodal de Vigo desde o 11 ata o 28 de xuño. Despois do verán, a mostra iniciará un percorrido ata final de ano que a levará por diversos centros educativos das catro provincias galegas
O profesor Ramón Nicolás diserta sobre Celso Emilio Ferreiro no Ateneo de Santiago
Cultura e Educación difunde o legado de Celso Emilio Ferreiro en Pontevedra a través dunha exposición interactiva
Celso Emilio no Instituto de Celanova
No Día do Libro con Celso Emilio Ferreiro: vídeo-creacións da comunidade galega de Londres
IES Fontem Albei, A Fonsagrada,Vídeo Homenaxe a Celso Emilio
Celso Emilio no Instituto de Celanova
Difundir a obra de Celso Emilio Ferreiro e homenaxear a súa figura, e un dos obxectivos do certamen de relato curto e poesía que tódolos anos convoca o Instituto de Celanova.
O concurso literario, está dirixido o alunado de ensino medio de toda Galicia. Os interesados deberán presentar os seus traballos, inéditos en galego, antes do 11 de Maio nas modalidades de relato curto (con algún elemento presente na obra de Celso Emilio), ou poesía (dous poemas que glosen unha estrofa ou un poema do homenaxeado). De tódolos presentados haberá un único premio por modalidade de 150 euros, diploma e a publicación do mesmo na revista do centro.
O fallo do xurado, conformado por membros da comunidade escolar, darase a conocer durante a celebración dos actos conmemorativos do Día das Letras Galegas no IES celanovés.
O profesor Ramón Nicolás diserta sobre Celso Emilio Ferreiro no Ateneo de Santiago
Cultura e Educación difunde o legado de Celso Emilio Ferreiro en Pontevedra a través dunha exposición interactiva
Celso Emilio no Instituto de Celanova
No Día do Libro con Celso Emilio Ferreiro: vídeo-creacións da comunidade galega de Londres
IES Fontem Albei, A Fonsagrada,Vídeo Homenaxe a Celso Emilio
No Día do Libro con Celso Emilio Ferreiro: vídeo-creacións da comunidade galega de Londres
Martes 24 de abril de 2012
O profesor Ramón Nicolás diserta sobre Celso Emilio Ferreiro no Ateneo de Santiago
Cultura e Educación difunde o legado de Celso Emilio Ferreiro en Pontevedra a través dunha exposición interactiva
Celso Emilio no Instituto de Celanova
No Día do Libro con Celso Emilio Ferreiro: vídeo-creacións da comunidade galega de Londres
IES Fontem Albei, A Fonsagrada,Vídeo Homenaxe a Celso Emilio
IES Fontem Albei, A Fonsagrada,Vídeo Homenaxe a Celso Emilio
Os alumnos e profesores do I.E.S. Fontem Albei,gravaron un vídeo con motivo do centenario do nacemento de Celso Emilio.O vídeo foi grabado con teléfonos móbiles. Nel recítanse anacos de poemas do poeta de Celanova, polo centenario do seu nacemento, recollidos nos volumes existentes na biblioteca escolar do centro.O traballo ten como fío condutor o poema “Contribución ao plan de desenvolvemento económico” publicado na revista Vieiros nº 2, México, 1965, ao que se lle van engadindo versos soltos, segundo as escollas dos lectores.
http://www.youtube.com/watch?v=HmadduFqekM