O 9 de xuño a Real Academia Galega desenvolverá en Celanova, con motivo do centenario do nacemento de Celso Emilio Ferreiro, o seguinte programa de actos:

11:30 Recepción no Concello.

12:00 Inauguración dunha placa na casa natal de Celso Emilio.

12:30 Sesión pública extraordinaria do Pleno da Academia no Auditorio Municipal Ilduara, na rúa do Cercado s/n, no que intervirán Margarita Ledo Andión, Francisco Fernández Rei e Salvador García-Bodaño.

22 de Maio de 2012

Alumnos dos colexios Curros Enríquez da Coruña e Celanova e tamén do Sagrado Corazón celanovés, participarán hoxe na elaboración dunha pintada nas lousas da Praza Maior de Ourense, co gallo da ‘IV Xornada de convivencia dos centros Curros Enríquez de Galicia’.

A actividade que este ano se dedicará a Celso Emilio Ferreiro, co gallo do centenario do seu nacimento, desenvolverase a partir das 15,00 horas na Praza Maior, onde 90 escolares -axudados por monitores especializados en Belas Artes- reproducirán o gravado que Pablo Picasso dedicou ao autor de ‘Longa noite de pedra’, o logotipo do Centenario, así como fragmentos do poema ‘O Reino’ , e interpretacions gráficas do mesmo.
A xornada de convivencia, orgaízada pola Fundación Curros Enríquez,  en colaboración co Concello celanovés, incluirá a participación dos Centros no programa de concertos didácticos de órgano, no xogo literario ‘Cen poemas na rúa’, así como as visitas culturais a  Casa dos Poetas, Vilanova e Castromao.

 

Departamento de Lingua e Literatura Galegas e Lingua Portuguesa do IES VALADARES (VIGO) organizou o día 21 de maio unha homenaxe a Celso Emilio Ferreiro.