Longa Noite de Pedra. Poema de Celso Emilio Ferreiro recitado tamén coa linguaxe de signos (Yogote).
Baixo o título Aquela noite de pedra. A esperanza de Celso Emilio Ferreiro Alberte Suras impartirá unha conferencia no Auditorio Ilduara do concello de Celanova.
Data: Xoves 24 de Maio 2012
Lugar: Consello da Cultura Galega
Pazo de Raxoi, 2º Andar
Santiago de Compostela
Esta xornada, organizada co gallo da conmemoración do centenario do nacemento de Celso Emilio Ferreiro (1912-1979), ten como obxecto debater a actualidade das propostas críticas verbo do papel histórico e presente da emigración galega. Para iso reavaliarase, dende unha perspectiva actualizada, a discusión que provocara a aceda crítica ás colectividades de emigrantes galegos en Venezuela que contiña Viaxe ao país dos Ananos, e tentarase tracexar cales poderían ser os paralelismos e as leccións desa discusión no presente, despois de que nos últimos anos a cuestión da reforma do dereito a voto dos ausentes estivese na axenda política e volva estar de novo con vistas a unha segunda reforma.
No decurso da xornada abordarase a biografía político-intelectual de Celso Emilio Ferreiro denantes e despois da súa emigración a Venezuela; o contexto e os trazos principais da inmigración galega e da colectividade galega en Venezuela entre as décadas de 1940 e 1970; e mais a discusión transnacional, na propia galicia e nas comunidades de emigrantes de américa e Europa, que foi provocada polas acusacións de Celso Emilio,o que tamén se vencellaba coas propias ideas do poeta arredor do feito migratorio.Concluirase cunha mesa redonda en que se reflexionará sobre a actualidade ou non das propostas do celanovés e dos seus críticos, e tentarase un posíbel balanzo da relevancia que a emigración e mais as comunidades de emigrantes desempeñaron na historia e no presente de Galicia.
P r o g r a m a
• 10:00 h. Inauguración
• 10:15 h. Celso Emilio Ferreiro: unha biografía político-intelectual
Ramón NIcolás
• 11:15 h. A inmigración galega en Venezuela en tempos de Celso Emilio
Raúl Soutelo Vázquez
• 12:15 h. Pausa
• 12:45 h. Revisando os ananos: a interpretación da emigración galega en Celso Emilio Ferreiro
Xosé M. Núñez Seixas
• 17:00 h. Ananos ou xigantes? A actualidade do debate sobre a emigración, 40 anos despois
Presenta e modera: Ramón Villares
Xosé NeIra VIlas
Román Rodríguez González
Anxo Lugilde
María Xosé Porteiro
Adaptación do poema de Celso Emilio Ferreiro para o acto, “Coa poesía de onte defendemos a escola de mañá!” a celebrar no CPI Dr. López Suárez de Friol o 15 de maio de 2012.
No seo dos tradicionais cursos de verán da Universidad Internacional Menéndez Pelayo celebrarase en Celanova, entre os días 16 e 18 de xullo de 2012, un encontro baixo o título «Celso Emilio Ferreiro (1912-2012). Ética e política». Velaquí información xeral sobre o encontro, o programa e mais quen participará nel.
Co gallo do centenario do nacemento de Celso Emilio Ferreiro e o 50 aniversario da publicación da súa obra “Longa noite de pedra”, a asemblea de Vigo da Liga Estudantil Galega organiza un acto homenaxe sobre o autor e a obra.
Este acto celebrarase o vindeiro luns 7 de maio ás 12:00 no Salón de actos da facultade de Filoloxía e Tradución do campus de Vigo. Nel, contaremos coa presenza do profesor Manuel Forcadela e a continuación, María Lado e Lucía Aldao realizarán unha actuación-recital.
“Creo que os homes pecan sete veces,
por sete veces sete cada día,
creo na xeometría,
creo no átomo tan pequeniño,
pero que haxa unhos seres
capaces de leer tranquilamente os xornales
sin sentir tremer de noxo as vísceras,
nunca podréi creelo”.
Celso Emilio Ferreiro
Antoloxía da obra poética de Celso Emilio Ferreiro con prólogo de Gonzalo Navaza e ilustracións de David Pintor. Unha edición de EDELVIVES onde a ilustración axuda a enxalzar a voz do poeta. Os poemas que se recollen son tirados de: 11 de O soño sulagado, 21 de Longa noite de pedra, 4 de Viaxe ao País dos Ananos, 2 de Antipoemas, 1 de Terra de ningures, 5 de Onde o mundo se chama Celanova, 1 de Cantigas de escarneo e maldecir e 1 de Cimenterio privado.
Afirma Navaza no seu prólogo:
Longa noite de pedra ábrese cunha cita do italiano Salvatore Qusaimodo: “Ser dun tempo e dunha terra. Eis o segredo da poesía máis humana e verdadeira”. A poesía de Celso Emilio Ferreiro atense a ese principio. Por máis que na súa obra atopemos outros temas e rexistros, foi sobre todo a súa poesía social, nacida do compromiso co seu tempo e a súa terra, a que lle valeu o recoñecemento dos seus contemporáneos
Organizado polo Club de lectura 5.1. da Escola Oficial de Idiomas de Vigo, nesta próxima segunda feira (luns) teremos connosco Xosé María Álvarez Cáccamo para falar de Celso Emilio Ferreiro, a súa vida e a súa obra. O título da conferencia-coloquio é: Unha lectura persoal de Celso Emilio Ferreiro.
DÍA: 7 de maio de 2012
HORA: 20.00
LUGAR: Aula Magna da EOI de Vigo, Av. E. Martínez Garrido, 17-36205 , VIGO
.
O número 36 da revista Raigames, que vén de saír á luz, dedícase en exclusiva aos protagonistas literarios deste ano: Celso Emilio Ferreiro e Valentín Paz Andrade.
Respecto do autor celanovés colaboran Luís Ferreiro, Francisco López-Barxas, Antonio Piñeiro, Afonso Vázquez-Monxardín Fernández, José Ángel García López e Ramón Nicolás. Pódese descargar premendo aquí e procurando a entrega nº 36, ao final da listaxe.
