Álbum fotográfico 1936-1940 (Asturias)
Ao estoupar a guerra civil Celso Emilio é chamado a filas cos mozos da súa quinta e enviado á fronte de Asturias. Liquidada a guerra en Asturias é destinado a Transmisións no edificio da Telefónica de Oviedo onde, dun xeito casual en 1938, coñece a Moraima, con quen casará máis adiante e con quen terá catro fillos: Luís, Xosé María, Isabel e Xabier.
Moraima, muller de Celso Emilio, lembraba que esta imaxe era da época na que se coñeceron. Na dedicatoria autografada lese “Para todos vosotros con el cariño infinito que os profesa, Celso Emilio Ferreiro. Oviedo 13-11-38.
Fotografía oficial da voda Celso Emilio e Moraima. Xixón, 15 de xullo de 1943 (Foto Jermán).
Celso Emilio e Moraima, de noivos. Xixón, maio de 1943 (Foto Unifa, Xixón).
En Acevedo do Río en 1939.
Celso Emilio, á dereita, mobilizado. Xixón, 1937.
