Álbum fotográfico 1940-1950 (Pontevedra)
Celso Emilio Ferreiro oposita e gaña o posto de secretario e logo de xefe de Xustiza na Fiscalía de Taxas de Pontevedra, onde traballou entre 1941 e 1950. Esta será a época na que escribirá poemas, contos e artigos, integrarase intensamente na vida cultural da cidade e frecuentará os faladoiros do Carabela e do Imperial, entre outros.
Laxeiro e Celso Emilio, licenciados despois de estar os dous na fronte de Asturias da Guerra Civil.
Con Xosé María Álvarez Blázquez nas Festas da Peregrina de 1958 (Foto Rodríguez, Pontevedra).
Fotografía de estudo realizada por Pacheco en Vigo, o 11 de abril de 1953.
Celso Emilio recibindo un premio de mans do seu admirado Aquilino Iglesia Alvariño en 1946.
Celso Emilio, de pé o segundo pola esquerda, con Moraima e cun grupo de amigos de vacacións en Sanxenxo en agosto de 1943.
Celso Emilio, o primeiro pola esquerda, Filgueira Valverde, Pache, Luis María Iglesias Vilarelle, Juan Novoa e Ramón Peña na Festa dos Maios de 1945.
Xantar de homenaxe a Celso Emilio, sentado o segundo pola dereita, na súa marcha de Pontevedra. Está presente Sabino Torres, con el e con Manuel Cuña Novás fundara a colección de poesía Benito Soto. Pontevedra, 1950 (Foto Graña, Pontevedra).
Celso Emilio e Moraima cos seus fillos maiores, Luís e Xosé María, en 1954 (Foto José Tilve).
