Álbum fotográfico 1950-1966 (Vigo)
En outubro de 1949 obtén o título de procurador dos tribunais e en setembro de 1950 marcha a Vigo a exercer como tal. Na cidade olívica vai compaxinar o seu traballo de procurador co de accionista nunha oficina de seguros sociais primeiro e co de director dun obradoiro de fotogravado despois.
Celso Emilio, sentado abaixo, o segundo pola esquerda, con Moraima e co poeta e debuxante Xosé Sesto, a esposa deste, Manuel Prego de Oliver e Emilio Álvarez Blázquez, na Praza da Quintana de Compostela, o 25 de xullo de 1955.
Celso Emilio e Moraima na rúa do Príncipe en 1951, cando se instalan a vivir en Vigo (Foto Company, Vigo).
Felicitación de Aninovo coa efixie do propio Celso Emilio. Vigo, 1958.
A parella nunha festa do Casino de Vigo (Foto Ramón, Vigo).
Con Moraima nas Conversacións Poéticas de Formentor, 1959.
Xantar despois da cacería nos Ancares con Xosé María Castroviejo, con quen comparte xeración poética: a do 36. Celso Emilio é o primeiro pola esquerda.
Celso Emilio, no centro, a principios dos 60 con Manuel María e Xosé Luís Méndez Ferrín. Os tres escritores, xunto con outros compañeiros, fundaran en 1964 a Unión do Pobo Galego (UPG).
Baldomero Fernández e Celso Emilio, o segundo pola esquerda, entre outros amigos, fotografados por Eduardo Blanco Amor en Ourense.
Cerimonia de imposición da Medalla de Salvamento de Náufragos a Celso Emilio na Comandancia de Mariña de Vigo, 7 de marzo de 1955. Entre os presentes está o seu irmán Pepe, Moraima e o seu fillo Luís.
