21-03-2013

A Casa dás Crechas proxecta 100% CEF, un documental froito da edición e a montaxe de case cen horas de gravación con entrevistas, colaboracións artísticas, lecturas de poemas e musica, que axuda a debuxar un retrato contemporáneo e pouco académico de Celso Emilio Ferreiro, 100 anos logo do seu nacemento. Este traballo audiovisual, escrito e dirixido polo celanovés Aser Álvarez e con Luís Tosar no papel de Celso Emilio, foi gravado en Celanova, Acebedo, Vigo, Pontevedra, Santiago, Asturias e Ourense. A TVG,  a Xunta de Galicia e os concellos de Pontevedra, Vigo e Celanova, ademais de ducias de empresas e particulares colaboran neste traballo, promovido por Arraianos e coproducido con Asombra. Ao longo dunha hora de duración, Celso Emilio Fereiro (Celanova, 1912- Vigo, 1979) é (re)construído a través de entrevistas con familiares, expertos, historiadores, literatos, amigos e grazas á participación de persoas anónimas e coñecidas que recitan, len, rapean e cantan os seus poemas, demostrando que CEF é un dos poetas máis populares de Galicia.
“É un documental biográfico pero que non aspira a abarcar toda a súa vida e obra, senón que se trata dun exercicio interpretativo onde damos voz a xente moi diversa e heteroxénea“, asegura o director, guionista e productor executivo, Aser Álvarez. Este traballo audiovisual, que conta con Luís Tosar no papel de Celso Emilio, pechou os actos do Centenario de CEF. Esta montaxe é o resultado dun intenso traballo de investigación e achega á vida e obra do poeta de Celanova, que levou ao equipo dirixido por Álvarez a rebuscar en arquivos de Asturias, Celanova, Madrid, Vigo, Pontevedra e Venezuela.
Este “retrato poliédrico e moi ferreirano” de CEF faise a través de charlas cos seus fillos, Isabel e Luís, os seus biógrafos, Xesús Alonso Montero e Ramón Nicolás, o seu amigo e paisano, o expresidente da RAG, Xosé Luís Méndez Ferrín; Xosé Neira Vilas, Suso de Toro ou Xosé María Álvarez Cáccamo, Anxo Angueira e Daniel Salgado, entre outros.
Os poemas chegan coa voz de cantantes como Luís Emilio Batallán, Xiana e Xosé Lastra, Mini e Mero, pero sobre todo co punk dos Labregos do Tempo dos Sputnik, e co rap máis contemporáneo de Ferriman, Nuno e Fred.
O documental tamén conta coas colaboracións de artistas como Baldo Ramos, que elabora un libro de artista que funciona como fío condutor do documental, Francisco Leiro, Manolo Paz ou Baldomero Moreiras.

Máis información:
Lugar: Casa dás Crechas
Localización: Rúa dá Via Sacra, 3, Santiago de Compostela, 15782
Hora de inicio: 20:00
Data de inicio: 21/03/2013
Gratuito: Si

17-03-2013

Homenage a Celso Emilio Ferreiro organizada pola Associaçom Cultural Roxin Roxal. Actuaçom musical de Mini e Mero,María Manuela e Xiana Lastra sobre o livro-disco “O meu primeiro Celso Emilio”.
Betanços,Sexta-feira 15 de Março  2013.

Velahí algunhas das cancions.

[button href=”http://www.youtube.com/watch?feature=player_embedded&v=WtHBVrpX5yg” color=”red” icon=”star” ]Maria Soliña[/button] [button href=”http://www.youtube.com/watch?feature=player_embedded&v=s-0JmzYlRXc” color=”red” icon=”star” ]Agardarei[/button] [button href=”http://www.youtube.com/watch?feature=player_embedded&v=82fApF5cyNE” color=”red” icon=”star” ]Eu en tí[/button] [button href=”http://www.youtube.com/watch?feature=player_embedded&v=nkBpWDHIkzw” color=”red” icon=”star” ]Irmaus[/button]

 

 

11-03-2013

Hoxe 11 de Marzal do 2013, as 19:30 horas no Ateneo de Madrid ,Homenaxe a Celso Emilio Ferreiro.

Organizan o Centro de Estudios Galegos do Ateneo de Madrid e o Centro de Estudios Galegos da Universidade Complutense de Madrid.

 

07-03-2013

Onte no Teatro Colón da Coruña tivo lugar o concerto “O meu primeiro Celso Emilio”. Oito poemas de Celso Emilio Ferreiro, revisadas por Xurxo Varela e Nani García, foron interpretadas onte no Teatro Colón nun concerto patrocinado pola Fundación Celso Emilio Ferreiro e Edicións Xerais. Versións musicais de Agardarei , Moraima, Erguerémo-la espranza, Eu en tí, María Soliña, Cantares,I rmaus e A mulata Coromoto, foron interpretadas por grandes artistas do panorama galego como Xiana Lastra, María Manuela, Mini e Mero. A música estivo acompañada neste acto por imaxes e vídeos que lembraban a figura do poeta de Celanova e rematou con “Cantiga a morte de Celso Emilio”, unha peza musicada por Miguel Varela, adicada pola poeta Ana Caxiao  a Celso Emilio.

28-02-2013,Nota de Prensa do  Concello de Lalín.

LUÍS TOSAR NO PAPEL DE CELSO EMILIO FERREIRO CONTA NO ESPAZO DUNHA HORA A VIDA DO POETA CELANOVÉS NO DOCUMENTAL “100% CEF” QUE SE PROXECTA O PRÓXIMO VENRES NO MUSEO MUNICIPAL 

• Esta longametraxe documental é o froito da edición e da montaxe de case cen horas de gravación con entrevistas, colaboracións artísticas, lecturas de poemas e musicacións que axudan a debuxar un retrato contemporáneo e pouco académico de Celso Emilio Ferreiro, despois dun centenario do seu nacemento A proxección terá lugar o 1 de marzo ás 20.30 horas dentro dos actos do Concello de Lalín en homenaxe ao que foi pregoeiro da Feira do Cocido no 1970  

Martes, 26 de febreiro de 2013

O Concello de Lalín continúa coa programación en torno ao poeta celanovés Celso Emilio Ferreiro coa proxección este venres, 1 de marzo, ás 20.30 horas, no Museo Municipal “Ramón Mª Aller” do documental “100% CEF”, con guión e dirección de Aser Álvarez e co actor Luís Tosar no papel de Celso Emilio.
O documental vén sendo unha biografía do escritor, xornalista e polifacético celanovés, que foi estreado na TVG a finais do pasado ano. Está nominado aos Premios Mestre Mateo 2013 da Academia Galega do Audiovisual como mellor traballo documental, que foi presentado pola canle autonómica de televisión ao Premio Iris da Academia das Ciencias e das Artes da Televisión de España.Esta longametraxe documental é o froito da edición e da montaxe de case cen horas de gravación con entrevistas, colaboracións artísticas, lecturas de poemas e musicacións que axudan a debuxar un retrato contemporáneo e pouco académico de Celso Emilio Ferreiro, despois dun centenario do seu nacemento.O dito traballo audiovisual foi gravado en Celanova, Acevedo, Vigo, Pontevedra, Santiago, Asturias e Ourense. Ao longo dunha hora de duración, Celso Emilio Ferreiro é reconstruído a través de entrevistas con familiares, expertos, historiadores, literatos, amigos e tamén grazas á participación de persoas anónimas e coñecidas que recitan, len e rapean e cantan os seus poemas, demostrando que Celso Emilio Ferreiro é un dos poetas máis populares de Galicia.

Esta montaxe é o resultado dun intenso traballo de investigación e achega á vida e obra do poeta de Celanova, que levou ao equipo dirixido por Aser Álvarez a pescudar en arquivos de Asturias, Celanova, Madrid, Vigo, Pontevedra e Venezuela.O retrato poliédrico e moi ferreiriano de Celso Emilio faise a través da conversa cos seus fillos, Isabel e Luís; os seus biógrafos, Xesús Alonso Montero e Ramón Nicolás; o seu amigo e paisano e ata onte presidente da Real Academia Galega, Xosé Luis Méndez Ferrín; Xosé Neira Vilas; Suso de Toro ou Xosé María Álvarez Cáccamo, Anxo Angueira e Daniel Salgado, entre outros.Os poemas chegan pola voz de cantantes como Luís Emilio Batallán, Xiana e Xosé Lastra, Mini e Mero, pero sobre todo co punk dos Labregos do tempo, dos Sputniks e co rap máis contemporáneo de Ferriman, Nuno e Fred.O documental conta ademais coa colaboración de artistas como Baldo Ramos, que elabora un libro de artistas que funciona como fío condutor do documental, Francisco Leiro, Manolo Paz ou Baldomero Moreiras que en palabras do director, Aser Álvarez, “…tamén nos axudan, dende diferentes disciplinas artísticas a facer un pandeiro de Celso Emilio Ferreiro, cen anos despois do seu nacemento, convencidos de que o seu lume e o das súas ideas segue a alampear, porque ese lume que alampea é precisamente a radical vixencia e contemporaneidade da súa poesía e do seu discurso”.

Celso Emilio Ferreiro foi pregoeiro da segunda edición da Feira do Cocido, ademais de ser coetáneo e amigo doutro lalinense ilustre, Laxeiro.