La Region-OURENSE – 26-07-2012

A finca da Esgueva (parroquia de Madarnás, O Carballiño), na que o escritor natural de Guimarás, Luís González Tosar está cimentando o proxecto literario-cultural denominado ‘A insua dos Poetas’ en colaboración coa Deputación provincial e a Consellería de Cultura, acollerá hoxe a instalación da segunda obra artística, neste caso un monumento dedicado a Celso Emilio Ferreiro con motivo da celebración do seu centenario. É unha obra coa que o escultor ourensán Manuel Penín realizou unha alegoría do poema ‘Irmaus’ que o poeta publicou no libro ‘Longa noite de pedra’ e que pasar por ser, sen lugar a dúbidas, un dos máis
É unha obra coa que o escultor ourensán Manuel Penín realizou unha alegoría do poema ‘Irmaus’ que o poeta publicou no libro ‘Longa noite de pedra‘ e que pasar por ser, sen lugar a dúbidas, un dos máis coñecidos do vate de Celanova. Os traballos de instalación da escultura, na finca da Esgueva, concitará a presencia do autor da obra, Manuel Penín, así como do escritor Luis González Tosar.

En calquera caso, o acto de mañá non será, senón, o preámbulo da ‘IV Festa da Palabra’, que terá lugar o próximo sábado, día 28 de xullo, a partir das 12,00 horas e que se enmarcará dentro da celebración do Centenario de Celso Emilio Ferreiro.

ACTO
O desenvolvemento do acto está estructurado en catro apartados, que se iniciarán, como non podía ser doutro xeito, cunha lectura poética centrada fundamentalmente na obra de Celso Emilio Ferreiro, continuarán coa inauguración oficial do monumento realizado polo escultor Manuel Penín, a entrega dos premios ‘Setecarballas’ que o escritor creou para recoñecer a outros tantos representantes de distintos ámbitos da cultura e da sociedade galega. O acto rematará coa actuación da cantora María do Ceo, que intepretará varias cancións con letra do propio Celso Emilio Ferreiro que ela musicou no ano 2008 con motivo da conmemoración do cento cincuenta aniversario de, Curros Enriquez.

Celanova 17/07/2012

A segunda xornada do curso que a Universidade Internacional Menéndez Pelayo (UIMP) dedica en Celanova ao poeta Celso Emilio Ferreiro, baixo o epígrafe de “Ética e poética”, estivo adicada á creación: poesía civil e social. Abriu a sesión o poeta e crítico literario Vicente Araguas, quen destacou que Celso Emilio mestura como ninguén a fortaleza do concepto coa boa inxeniería poética, e esta é unha das claves do éxito popular que obtén
Un éxito só comparable co de Rosalía e Curros os tres poetas máis populares da literatura galega. Así, Celso Emilio atopou a fórmula para musicar poemas, e dáse o paradoxo de que son máis coñecidos os mal chamados cantautores por musicar os poemas de Celso Emilio Ferreiro, que Celso Emilio por ser musicado por recoñecidos cantantes.
POLIVALENTE
Logo de Celso Emilio, non hai outro poeta igual, declarou Araguas. Dábanselle tamén os poemas satíricos ou de escarnio, como os de amor (Moraima’) ou os paisaxísticos (‘Aló onde ou mundo se chama Celanova‘). Tocaba todos os temas: a opresión social, o antimilitarismo, a problemática dos labregos ou a do idioma. ‘É un dos meus heroes cívicos, pero tamén estéticos”, concluíu Araguas.

 

 

No Auditorio Municipal Ilduara de Celanova, terá lugar o luns 16/7/2012 a partires das 20.00 horas, un recital poético-musical adicado a Celso Emilio Ferreiro. Con esta actividade pechase o ciclo Galicia Clasiccs, da Axencia Galega das Industrias Culturais (Agadic). O recital, que leva por título Onde o mundo se chama Celanova,de Curros a Celso Emilio, foi ideado con motivo da conmemoración do Centenario de Celso Emilio Ferreiro e contará coa participación da Compañía Lírica Ofelia Nieto e do Grupo Internacional Cítola,que serán os  encargados de interpretar as dúas obras compostas a partires dos poemas de Celso Emilio, ‘Moraima’ e ‘Longa noite de pedra’.

(Información vía La Región)

O escritor de orixe ourensá Celso Emilio Ferreiro foi homenaxeado onte en
Madrid polo centenario do seu nacemento, nun acto poético musical que tivo lugar
na Casa de Galicia. Autoridades locais e galegas, persoeiros da cultura,
familiares, amigos e numerosas persoas interesadas tamén na figura do poeta
participaron neste acto de celebración do Ano Celso Emilio Ferreiro, promovido
pola Xunta de Galicia a través da Consellería de Cultura, Educación e Ordenación
Universitaria.

Durante o acto, o conselleiro de Cultura e Educación, Xesús Vázquez Abad,
destacou o vínculo do escritor con Madrid durante a súa última etapa creativa.
‘En Madrid -dixo-, o poeta encontrou foros onde expresar a súa humanidade e o
seu talento, e tribunas desde onde darlle unha parte do seu impulso final á
construción da Galicia que hoxe coñecemos’. ‘Por iso a homenaxe que hoxe traemos
á Casa de Galicia é tamén un acto de gratitude con esta cidade que vén ofrecendo
na súa historia miles de oportunidades humanas’, dixo o conselleiro.

LUGAR DE ACOLLIDA

Madrid foi para Celso Emilio o lugar de acollida na súa última etapa vital, onde viviu a partir
de 1973 na rúa Juan Bravo. Alí logrou difundir tamén en castelán a súa obra
poética e comezou a darlles forma ás vivencias traídas de Venezuela, onde tamén
medrou como escritor. No Ateneo de Madrid dirixiu a Aula de Cultura Galega,
traballou como crítico literario en ABC e escribiu no xornal Arriba. Tamén
redactou en Madrid páxinas de tanta autenticidade como as recollidas na súa
novela breve A taberna do Galo.

Segundo asegurou o conselleiro de Educación, Xesús Vázquez Abad na homenaxe,

‘os seus anos finais, de extraordinaria madureza intelectual e de asentamento da bagaxe dunha vida
intensa, encontraron en Madrid o clima humano que necesitaba para pechar un
ciclo, relativamente breve no tempo, pero cargado de vivencias importantes, para
el e para a nosa forma de asumir a galeguidade’. Madrid tamén foi o lugar da
multitudinaria homenaxe que lle foi tributada o 3 de novembro de 1979, tras a
súa morte, no Pazo dos Deportes.

Vázquez Abad presidiu o acto de homenaxe acompañado polo secretario xeral de Cultura, Anxo Lorenzo; polo director da Casa
de Galicia en Madrid, José Ramón Ónega; polo director da Fundación Celso Emilio
Ferreiro, Luís Ferreiro; polo concelleiro presidente do distrito de
Moncloa-Aravaca en Madrid, Álvaro Ballarín; e polo membro da xunta directiva do
Ateneo de Madrid Miguel Pastrana, que participaron na lectura de poemas do
escritor. Tamén se sumaron ao recitado poético o escritor Carlos Reigosa, o
meteorólogo de Televisión Española Martín Barreiro, o alcalde de Celanova
Antonio Mouriño, a profesora de galego en Madrid, Carme Lamela e alumnado de
galego en Madrid, con poemas como ‘Moraima’, ‘Eu en ti’, ‘Tempo de chorar’ ou
‘Deitado frente ao mar’. Os versos de Celso Emilio Ferreiro tamén se recordaron
onte en Madrid a través da voz do cantautor Amancio Prada, que ofreceu unha
actuación musical para pechar o acto de homenaxe.

Reivindicar a figura humana e a obra literaria de Celso Emilio Ferreiro, un dos escritores máis destacados da literatura galega contemporánea e un dos poetas sociais máis relevantes das letras hispánicas. Este é o principal obxectivo do curso titulado: “Celso Emilio Ferreiro (1912-2012). Ética e poética”, que se vai celebrar durante os días 16, 17 e 18 de xullo no Mosteiro de Celanova. O encontro está organizado pola Universidade Internacional Menéndez Pelayo (UIMP) baixo a dirección de José María Paz Gago, catedrático de Teoría da Literatura e Literatura Comparada da Universidade da Coruña.

Recital “Onde o mundo se chama Celanova”

O curso contará con relatores como Xesús Alonso Montero, Ramón Nicolás, Alfredo Conde ou Ramón Pernas, entre outros. Un dos pratos fortes do programa é o recital lírico titulado “Onde o mundo se chama Celanova”, que se vai celebrar o día 16 de xullo tamén no Mosteiro da localidade. O recital será ofrecido pola compañía lírica Ofelia Nieto, que actuará baixo a dirección artística do barítono Antón de Santiago. Participarán tamén a soprano Patricia Morchón e o grupo instrumental Cítola, que intepretarán poemas musicados de escritores como Rosalía de Castro, Curros Enríquez, Ramón Cabanillas, Ramiro Fonte, Miguel Anxo Fernán-Vello e o propio Celso Emilio Ferreiro.