A A. C. Fuco Buxán e mais Ateneo Ferrolán organizan unha homenaxe a Celso Emilio Ferreiro que contarán coa participación de Fernando Ocampo, Helga Méndez, Lorena Calaza, María Manuela, Rosa Méndez Fonte, Xosé Leira e Xurxo Varela. Celebrarase hoxe martes.
24-11-2012
Data: Mércores 28 Novembro do 2012
Lugar: Auditorio Reveriano Soutullo
Localidade: Ponterareas
Hora:11:00 horas
O Acto será as 11:00 horas e quere ser unha homenaxe o insigne escritor no centenario do seu nacemento.
CENTROS PARTICIPANTES
– Colexio La Inmaculada
– Colexio Santiago Apóstol
– IES Pedra da Auga
– IES de Ponteareas
– IES Val do Tea
Esta actividade está orgaízada polo Servicizo de Normalización Lingüística do Concello de Ponteareas, dependente da Concellería de Cultura que dirixe Andrés Sampedro, en colaboración con todos-los centros de enseninza secundaria de Ponteareas.
Mais o lume que alampea
xamais o verédes morto
19-11-2012, Tempo de lecer Ourense
Data: Luns, 19 de novembro de 2012.
Actividade: Presentación do libro Onde o Mundo se chama Celso Emilio Ferreiro.
Lugar: Liceo (Ourense).
“Onde o mundo se chama Celso Emilio Ferreiro” ofrece por primeira vez o acceso ó epistolario e documentación inédita para coñecer ao poeta celanovés.
Aquí está o meu Celso Emilio, o que puiden coñecer a través dos documentos e por as voces que me falaron dél”.
Con estas verbas o escritor e investigador Ramón Nicolas quixo explicar a súa última obra, “Onde o mundo se chama Celso Emilio Ferreiro” , editado por Xerais.
O Salón Nobre do Liceo Recreo Ourensán acolleu este luns, 19 de novembro , a presentación dunha intensa biografía sobre o escritor celanovés, unha obra que levoulle ao seu autor cinco anos de investigación nos documentos públicos, pero tamén “e por vez primeira, o acceso a documentos privados” relacionados co autor de Longa Noite de pedra.
O resultado é unha obra de máis de 600 páxinas nas que o autor destacou o descobremento dun novo Celso Emilio.
Ramón Nicolás destacou que o principal descobremento deste último achegamento a Celso Emilio é “o seu compromiso coa súa tribu, os máis próximos, o clan Ferreiro”, unha característica que sempre queda oculta por outra das facetas do escritor celanovés, que tamén destaca Ramón Nicolás na súa obra: “o seu extraordinario compromiso coa actividade política, xa dende os seus anos de mozo en Celanova”. O autor resaltou que ó longo da traxectoria vital de Celso Emilio sempre destacou a súa vinculación co galeguismo e o “mundo das esquerdas”. O escritor considerou que estes dous eixes da personalidade de Celso Emilio se completan co seu “compromiso intenso coa creación literaria e cos máis desfavorecidos da sociedade”.
O epistolario inédito do escritor
A biografía foi posible, segundo o autor, grazas a o acceso libre ó “epistolario inédito do escritor”, o que tivo acceso grazas á colaboración da Fundación Celso Emilio Ferreiro. Nestas cartas recibidas polo escritor podense rastrexar as súas preocupacións, tanto persoais, como en materia artística ou política. Para completar estes últimos aspectos, a obra tamén documéntase exhaustivamente nos artigos e colaboracións firmadas por Celso Emilio e que apreceron na prensa galega. Ramón Nicolás tamén destaca que “por primeira vez” daselle voz ós que compartiron vivencias co escritor celanovés. “Tiven a fortuna de entrevistar á memoria vinculada con Celso Emilio. É algo moi valioso poder escoitar as súas vivencias por xentes que as compartiron”. O texto complétase con varios capítulos novelados, nos que o autor considera que “están tan documentados que eu os conto tal e como pasaron, ou penso que moi parecido”.
Onde o mundo se chama Celso Emilio Ferreiro foi presentado por Manuel Bragado, director de Edicións Xerais de Galicia e presidente da Asociación Galega de Editores, quen destacou que a obra de Ramón Nicolás “aborda novidades moi interesantes sobre a figura de Celso Emilio”, algo que calificou coma “sorprendente” tendo en conta que Celso Emilio é un dos autores galegos con máis obra publicada entorno a súa figura. Bragado destacou que “a obra achega novidades” e “clarifica episodios da súa vida” grazas ós “milleiros de documentos consultados ó longo dos cinco anos de criación desta obra e polo acceso á correspondencia do arquivo da Fundación”.
Pola súa banda, Luis Ferreiro, da Fundación Celso Emilio Ferreiro e fillo do autor, calificou este libro como “a biografía canónica e oficial, autorizada pola familia” pola “súa visión total” sobre o protagonista “respaldada por unha enorme documentación e que sólo contén una pequena parte de ficción”. Ferreiro tivo un recordo especial para o Liceo Ourensán, o que recordou “polas visitas que facía cando era neno para visitar ó meu tío, que entón era o director desta casa”.
Un nacionalismo galego moderno e de esquerdas
Xoán Carlos Domínguez Alberte, do Centro de Documentación da Asociación de Escritores en Lengua Galega, aproveitou a súa intervención para resaltardiversos episodios da vida de Celso Emilio, coma a súa aposta pola construción dun nacionalismo galego moderno e de esquerdas” que levouno a tentar a confluencia entre a unión do Pobo Galego e o Partido Comunista. Domínguez Alberte tamén resaltou a que definiu coma a súa “etapa conflitiva en Caracas” onde a súa oposición a Dictadura non era seguida por moitos dos membros da emigración galega. Nesta liña de oposición ó fascismo foi o terceiro dos casos concretos sinalados por Domínguez Alberte na obra de Ramón Nicolás, a súa”chamada ós mozos no ano 1934 a tomar partido e combater en contra do fascismo”.
Nesta liña enmarcouse un párrafo lido por Dominguez Alberte ó peche da súa presentación, extraído dun artigo titulado A Pantasma do ano 1934: “Os mozos temos que declararlle a guerra a todos os fascismos, non se pode ser transixente con quen predica a intransixencia, nin negociar con quien odia a libertade, non se pode ser demócrata con quen quere destruir a democracia”. Domínguez Alberte considera que o libro de Ramón Nicolás sirve para “dar a coñecer a actualidade da mensaxe de Celso Emilio e dar a coñecer as múltiples facetas dunha figura insobornable polo poder”.
A presentación contou coa presenza do conselleiro de Cultura en funcións da Xunta de Galicia, Jesús Vázquez; o delegado territorial da Xunta en Ourense, Rogelio Martínez e a cantante María do Ceo, quen ofreceu un concerto con letras de Celso Emilio Ferreiro para finalizar.
18-11-2012
Ao cumprirse o centenario do nacemento do poeta celanovés Celso Emilio Ferreiro, unha das voces fundamentais da literatura galega da segunda metade do século XX, desde a Coordinadora Galega de Equipos de Normalización e Dinamización Lingüística (CGENDL) desexamos renderlle homenaxe pública cunha acción de carácter colectivo que simbolice toda a forza e enerxía que transmite a súa palabra,símbolo permanente de valores de solidariedade e xustiza universais, pero tamén de compromiso cívico coa cultura e lingua de
Galicia
1. A quen se dirixe?
En primeiro lugar, a todos os centros educativos da comunidade educativa galega, en todos os niveis de ensino non universitario, desde Educación Infantil ata Bacharelato.
Tamén poden sumarse a esta iniciativa asociacións de nais e pais, clubs de lectura,bibliotecas escolares e municipais, asociacións veciñais… e calquera persoa ou entidade interesada en participar nun acto festivo en torno á figura de Celso Emilio Ferreiro.
2. En que consiste?
A actividade consta de dúas accións simultáneas e complementarias:
Un acto colectivo de recitado público do poema Deitado fronte ao mar de Celso Emilio Ferreiro, publicado inicialmente no libro Longa noite de pedra (1962).
Un envío masivo a través das redes sociais do lema recitandocelsoemilio, acompañado do texto do poema Deitado fronte ao mar.
3. Cal é o lema da convocatoria?
O lema común vai ser recitandocelsoemilio; durante o tempo de celebración da actividade de recitado este lema debe figurar en lugar ben visible encabezando o acto, mediante o soporte físico que se estime máis oportuno.
4. Cando se celebra?
Moi doado: o mércores día 12 de decembro de 2012, ás 12.00 horas; a celebración do recitado deberá axustarse en todos os centros de ensino á data e hora oficial desta convocatoria, así como a difusión do lema central a través da rede.
5. Onde se celebra?
Dentro dos centros educativos, recoméndase a celebración conxunta de toda a comunidade escolar en espazos como salóns de actos, bibliotecas, patios de recreo, instalacións deportivas… Se existise colaboración de entidades como concellos, asociacións culturais ou de veciños, recoméndase que o recitado colectivo se celebre en lugares públicos fóra do centro que poidan ter un valor simbólico para a comunidade.
6. Como se participa?
Todos os centros educativos ou entidades colaboradoras que desexen participar en recitandocelsoemilio deberán enviar un correo electrónico de confirmación á CGENDL, indicando nome do centro, persoa oordinadora da actividade e número previsto de participantes. O prazo límite de inscrición remata o luns 10 de d ecembro.Unha vez celebrado o acto, deberá ser acreditado ante a CGENDL mediante rexistro fotográfico ou audiovisual do mesmo; as imaxes ou gravacións que dean conta do recitado serán enviadas á páxina web da CGENDL, especificando datos concretos do centro educativo e do número de persoas participantes no mesmo.
7. Cal é o seu obxectivo?
O obxectivo central é manter viva a memoria dun dos grandes poetas galegos do século XX a través da posta en valor dun dos seus poemas máis emblemáticos; así mesmo, desexamos manifestar, dun modo lúdico e masivo, o noso compromiso cívico cara á lingua galega, porque si, porque nos peta.
8. Quen a coordina?
O equipo de normalización e dinamización lingüística de cada centro educativo; por defecto, calquera membro do equipo directivo ou do claustro dun centro que asuma o cumprimento correcto da actividade, baixo as condicións especificadas nos puntos anteriores.
9. Como se pode enriquecer esta actividade?
Aínda que o acto central de recitandocelsoemilio consiste na acción de recitado físico prevista para o día 12 do mes 12 do ano 2012, durante as semanas previas á actividade cada centro educativo ten a potestade de enriquecer e contextualizar o acto con aqueles recursos didácticos e lúdicos que estime máis oportunos. Suxerimos accións como:
elaboracións de temas musicais a partir do texto do poema, elaboración de murais, collages e pancartas xigantes, gravación e difusión de vídeos inspirados na temática do poema, utilización de espazos virtuais para difundir a obra de Celso Emilio Ferreiro e calquera outra acción de carácter creativo que contribúa a incrementar a participación en recitandocelsoemilio, ben no propio centro, ben no contorno escolar.
10. En definitiva...
Se tedes interese en vos sumar a esta iniciativa, promovida pola CGENDL, agradecemos que vos apuntedes o antes posible e que a difundades por todos os medios ao voso alcance, para que esta información chegue axiña a todos os claustros escolares, asociacións de nais e pais, bibliotecas e clubs de lectura de Galicia.
A que estades esperando?
Unídevos xa a RecitandoCelsoemiliO!
COA VOSA AXUDA PODEMOS CELEBRAR UNHA GRAN FESTA COLECTIVA!
Nota:
A CGENDL desexa facer público o seu máis fondo agradecemento @s profesor@s Luz Beloso e Seso Durán (AudioVisual As Barxas), así como ao alumnado do IES As Barxas, pola seu entusiasmo e xenerosidade para con nós, pois grazas ao seu traballo e esforzo contamos cun magnífico vídeo de presentación da actividade. Beizóns!
Coordinadora Galega e ENDL – correo@coordinadoraendl.org
15-11-2012
A Consellería de Cultura, Educación e Ordenación Universitaria leva ao IES Aquis Celenis de Caldas de Reis unha exposición interactiva sobre a vida e obra de Celso Emilio Ferreiro. A mostra, que estará neste centro educativo ata o vindeiro 21 de novembro, enmárcase dentro das actividades programadas pola Xunta de Galicia para conmemorar o Ano Celso Emilio Ferreiro, declarado polo Parlamento de Galicia con motivo do centenario do nacemento do poeta.
Grazas a esta mostra, os estudantes poderán achegarse ao poeta de Celanova a través dun formato interactivo e novidoso que inclúe imaxes, poemas musicados, audiovisuais, xogos interactivos e mesmo gravacións sonoras co recitado de Celso Emilio Ferreiro. Ademais, xunto coa instalación multimedia, tamén se exhiben algúns dos seus obxectos persoais, entre os que se inclúen unhas lentes, a súa máquina de escribir e unha cámara fotográfica.
Esta mostra interactiva, que está percorrendo centros educativos das catro provincias galegas, visitará proximamente o IES Xesús Taboada Chivite, de Verín; o IES Lauro Olmo, do Barco de Valdeorras; e o IES de Celanova, vila natal do autor, na que se clausurará esta exposición no mes de decembro.
Moitos destes contidos están accesibles tamén vía web na páxina oficial do escritor,ttp://celsoemilioferreiro.org/, que puxeron en marcha este ano a Xunta de Galicia e a Fundación Celso Emilio Ferreiro.
Un enfoque interactivo e lúdico para achegarse a Celso Emilio No seu obxectivo de achegar a obra de Celso Emilio Ferreiro a toda a cidadanía, a Secretaría Xeral de Cultural tamén promoveu a realización de dúas unidades didácticas interactivas sobre o poeta adaptadas aos niveis de primaria e secundaria. As novas unidades didácticas están dispoñibles no espazo Abalar da Consellería de Cultura e Educación, en http://www.edu.xunta.es/espazoAbalar/espazos/recursos. Ambas as dúas, cunha mesma estrutura e metodoloxía, repasan a vida e obra do poeta celanovés a través de seis etapas vitais diferentes, con textos descritivos e propostas de actividades lúdicas interactivas que os introducen tamén na súa creación poética.
A superación dos diferentes retos en forma de dameiros, chuvias de palabras e cuestionarios permítenlle ao alumno ir sumando puntuación como elemento de motivación para superar novas probas. No desenvolvemento destas actividades os participantes acceden a fotografías do autor, os seus textos orixinais e mesmo á voz de Celso Emilio recitando os poemas da súa autoría.
17-11-2012
Ateneo Ferrolán e A.C. Fuco Buxán
organizan:
HOMENAXE A CELSO EMILIO FERREIRO
no seu centenario
martes, 20 de novembro, ás 19,30 hs,
Presenta : Fernando Ocampo Montesinos
en nome de Ateneo e Fuco Buxán.
Interveñen:
Enrique Barrera Beitia, Historiador
“O contexto político-social da época”
José Luis Forneiro Pérez, Profesor de Filoloxía Galego-Portuguesa da USC.
“Vida e obra de Celso Emilio”
Entrada libre.
17-11-2012, Diario de Ferrol
Ante un Jofre ateigado –desde o martes xa non quedaban entradas– a lembranza á poesía de Celso Emilio Ferreiro volveu inzar de emoción o teatro ferrolán na presentación da obra didáctica “O meu primeiro Celso Emilio” (Edicións Xerais), elaborado por Xosé e Xiana Lastra neste ano que é o do centenario do escritor celanovés.
Trala presentación do volume, o espectáculo trasladouse ao escenario coa música que inclúe este libro-disco. As súas voces, María Manuela, Xiana Lastra e Mini e Mero, interpretaron os poemas musicados do mestre de Celanova, pezas entre as que non faltaron “Erguerémo-la espranza”, “Eu en ti”, “Agardarei” ou tamén unha cantiga adicada ao propio poeta “Cantiga a morte de Celso Emilio Ferreiro”
Entre tema e tema, na pantalla do Jofre proxectouse un audiovisual que ía debullando a vida e obra do escritor. Ademais dos cantantes do proxecto, tamén estaban músicos que interviron na gravación e outros a maiores, como o pianista Pablo Sabio, Xurxo Varela, o baixista Manolo Dopico, Paco Barreiro, Nuria Lestegás ou Roberto Grandal, que xa puxeron música ao espectáculo noutras localidades.
Pola mañá, houbo unha presentación previa para 500 escolares de Ferrol
15-11-2012
O luns, 19 de novembro, ás 20:00 horas, no Salón Noble do Liceo de Ourense, rúa Valentín Lamas Carvajal, 5, terá lugar a presentación de Onde o mundo se chama Celso Emilio Ferreiro de Ramón Nicolás.
No acto participarán Xoán Carlos Domínguez Alberte, Luis Ferreiro, Manuel Bragado e o profesor Ramón Nicolás, autor do libro.
Como peche, actuará María do Ceo acompañada de Pepe Salgado.
O LICEO DE OURENSE
e EDICIÓNS XERAIS DE GALICIA
comprácense en convidalo/a á presentación do libro:
Onde o mundo se chama Celso Emilio Ferreiro, de Ramón Nicolás.
O acto, que contará coa participación de Xoán Carlos Domínguez Alberte, Luís Ferreiro, Manuel Bragado e Ramón Nicolás, terá lugar o luns, 19 de novembro, ás 20,00 horas,no Salón Noble do Liceo de Ourense, rúa Valentín Lamas Carvajal, 5 Ourense.
Como peche, actuará María do Ceo acompañada de Pepe Salgado.
15-11-2012
«O meu primeiro Celso Emilio Ferreiro», noTeatro Jofre de Ferrol.
O día 16 de Novembro, terá lugar no Teatro Jofre o concerto titulado “O meu primeiro Celso Emilio Ferreiro”, coa participación de María Manuela, Mini e Mero y Xiana Lastra. Será as 21 horas. A entrada é gratuita e os tiques se despachan no propio teatro dende hoxe até que se esgoten.
13-11-2012
