O Documental “100% Celso Emilio Ferreiro” no Centro de Maiores da Fundación Novacaixagalicia (Ourense)

16-12-2013
Texto: Tempo de lecer Ourense

O Centro de Maiores da Fundación Novacaixagalicia acolle o martes, día 17 de decembro, a proxección do documental: 100% CEF, unha biografía de Celso Emilio Ferreiro, de Aser Álvarez. Trátase dun documental que foi realizado para a súa edición na TVG e que repasa a vida e obra deste esritor celanovés. A proxección terá lugar ás 18.00 horas. A entrada é gratuíta.
Neste documental é Luís Tosar quen interpreta a Celso Emilio nas súas paisaxes e tecleando na vella máquina de escribir. Pero ademais desa figura reinterpretada, a longametraxe conta coa opinión de corenta persoeiros que van completando un retrato biográfico e literario para apreixar a complexidade e a amplitude da figura do escritor de Celanova. O documental conta, por unha parte, coas opinións de familiares do escritor e especialistas na súa obra, como os seus biógrafos Xesús Alonso Montero e Ramón Nicolás. Méndez Ferrín, Neira Vilas, pola parte literaria, son voces que se suman á de músicos como Luis Emilio Batallán, Mini e Mero ou Labregos do Tempo dos Sputniks