ENOGASTROFONÍAS FERREIRIANAS VIGO.
Arraianos propón un espectáculo con música, poesía e cociña en directo que nos convida a un percorrido estimulante e sensorial pola vida e a obra de Celso Emilio Ferreiro, da man dos enogastrophones… o domingo, 1 de xullo ás 21 horas na Feira do Libro de Vigo (na Alameda).
27 de Xuño do 2012
Escritores e músicos compartiron escenario na noite de onte no Teatro Novacaixagalicia de Vigo, para homenaxear a Celso Emilio, con motivo do primeiro centenario do seu nacemento.
O acto foi presentado pola poeta Yolanda Castaño e os versos do autor de Celanova soaron nas voces de Rexina Vega, Inma López Silva, Manoel Soto e Fernando Franco, sendo ademais musicados por artistas de moi variado estilo como El Puto Coke, Ataque Escampe, Patricia Moon e Frans Banfield, Davide, Xesús Alonso Montero e Luis Emilio Batallán, a Coral de Beade e alumnos da Escola Superior de Arte Dramática e do IES Álvaro Cunqueiro.
Unha das actuacions máis emotiva foi a do catedrático Xesús Alonso Montero, que cantou dous poemas de Celso Emilio, pertencentes ao libro “Cantos de la nueva resistencia española”.
27 Xuño do 2012
Vivo na rúa Celso Emilio Ferreiro.
A campaña Vivo na rúa Celso Emilio Ferreiro consiste nunha acción de buzoneo masivo dun completo folleto sobre o poeta, que se distribúe nas 28 localidades galegas que contan cunha rúa dedicada a Celso Emilio. O obxectivo é que os cidadáns tomen conciencia de quen era o celanovés, do valor da súa obra e que desde ese achegamento á figura do poeta, sintan o orgullo de vivir na rúa que leva o seu nome.
Ouvirmos deseña e produce esta campaña para a Xunta de Galicia dentro dos actos do centenario. Hoxe, 27 de xuño, distribúese na provincia de Lugo: en Lugo capital, Sarria, Monforte de Lemos, O Saviñao, Viveiro e Burela. Nesta última localidade preséntase aos medios de comunicación a distribución da campaña Vivo na rúa Celso Emilio Ferreiro na provincia. Farémolo cun acto diferente, onde estudantes, comerciantes, inmigrantes, etc. participarán recitando na rúa os versos de Celso Emilio.
Podedes ver e descargar o folleto completo en:
http://ouvirmos.com/web/wp-content/uploads/2012/04/F-BUZONEO-AnoCEF.pdf
O próximo sábado día 30 de Xuño, na Feira do libro de Vigo, terá lugar a presentación do libro Dun tempo e dunha terra, antoloxía poética de Celso Emilio Ferreiro. Será as 19:00 e estarán no acto Luis Ferreiro Loredo (Director da Fundación Celso Emilio Ferreiro), Gonzalo Navaza ( o autor da selección dos textos) , Ignacio Chao ( editor de Edelvives) e David Pintor (Ilustrador do libro).
O 9 de xuño do 2012 colocouse unha placa conmemorativa do Centenario do nacemento de Celso Emilio Ferreiro, na rúa Curros Enríquez, 25 de Celanova. Nesta casa naceu Celso Emilio no ano 1912, e nela viviu até a súa marcha a Pontevedra no ano 1940.
Celanova 22-06-2012
Escritores das Terras de Celanova e Baixa Limia compartiron onte escenario cos escolares e veciños da vila de San Rosendo para conmemorar o centenario de Celso Emilio Ferreiro.
Na biblioteca do Instituto tivo lugar un sinxelo, pero emotivo acto, onde se presentou o libro “Vieiros de palabra”,Terra de Celanova e Baixa Limia, en letras de autor e informouse da proposta do IES de Celanova para cambiar a súa denominación pola de IES Celso Emilio Ferreiro.
Audiovisuais
Celanova ten un vento
(CPR Sagrado Corazón – Celanova)
Vídeo-poema cantado a partir do texto de Celso Emilio Ferreiro.
Deus che dea ira, que paciencia tes de abondo
(IES Lagoa de Antela – Xinzo de Limia)
Audiovisual sobre Celso Emilio Ferreiro, elaborado polo Equipo de Normalización e Dinamización Lingüística (ENDL).
Recitais
Recital musicado dos poemas “Nai”, “Soldado” e “Moraima”, de Celso Emilio Ferreiro (IES de Celanova).
Interpretación musical dos poemas “Bande” e “María Soliña”, de Celso Emilio Ferreiro (IES Aquis Querquernis – Bande)
20 Junio 2012
‘Long Night of Stone’ es el título con el que la Consellería de Cultura, Educación e Ordenación Universitaria difundirá la obra del escritor Celso Emilio Ferreiro en el ámbito internacional. La traducción al inglés del poemario más popular del escritor de Celanova, ‘Longa noite de pedra’, es el tercer volumen que ve la luz en la colección ‘Galician Classics’, una iniciativa con la que la Secretaría Xeral de Cultura, en colaboración con la editorial Small Station Press, proyecta en el exterior la obra de los principales escritores gallegos contemporáneos y clásicos.
El volumen, que constituye la primera obra completa de Celso Emilio Ferreiro traducida a una lengua distinta del castellano, fue presentado por el secretario xeral de Cultura, Anxo Lorenzo; por el codirector de la editorial Small Stations Press, Jonathan Dunne; y por el director de la Fundación Celso Emilio Ferreiro, Luis Ferreiro, en un acto que tuvo lugar en la biblioteca del Centro Gallego de Arte Contemporáneo (CGAC), en Santiago de Compostela.
La edición de ‘Long Night of Stone’ cuenta con una tirada de 1.200 ejemplares. Su distribución comercial se llevará a cabo a través de las dos principales distribuidoras del Reino Unido, Bertrams y Gardners, y también de librerías virtuales como Amazon. Además, la Xunta promoverá una distribución directa en bibliotecas, tanto de Galicia, como de otros países. Para esto cuenta con la colaboración del Instituto Cervantes, que destinará ejemplares a las bibliotecas de sus centros de los Estados Unidos, de Sidney, de Londres, de Manchester, de Dublín y de Madrid; así como con la colaboración de la Secretaría Xeral de Política Lingüística, que contribuirá con la distribución del libro en centros de estudios gallegos de las universidades de diferentes países de Europa y de América.
8 de Xuño do 2012
Vídeo elaborado por alumnas do Colexio Marista A Inmaculada de Lugo.
XANELA- A LITERATURA NOS ÚLTIMOS ANOS DA DITADURA. CELSO EMILIO FERREIRO.
26 de Xuño do 2012
Concerto homenaxe
Ademais da exposición, a Consellería de Cultura e Educación organiza na cidade da oliveira un concerto homenaxe a Celso Emilio Ferreiro, que terá lugar o martes 26 de xuño, ás 20:00 horas, no Teatro do Centro Cultural Novacaixagalicia, e que será de entrada aberta e gratuíta. O evento congregará diversas propostas artísticas, dos ámbitos musical e poético, baseadas na obra do escritor, da man de voces novas da cultura galega.
As actuacións de Ataque Escampe, El Puto Coke, Patricia Moon e Frans Banfield, Davide e Luis Emilio Batallán compartirán escenario coas intervencións de Inma López Silva, Rexina Vega ou Xesús Alonso Montero. No concerto, que será presentado por Yolanda Castaño, tamén participarán alumnado da Escola Superior de Arte Dramática e do IES Álvaro Cunqueiro de Vigo, así como a Coral de Beade.
