Celso Emilio nas voces galegas de hoxe

Sep 4, 2012 editor de CEF novas

3-09-2012
Na Web da Real Academia Galega veñen de comunicar que:

En conmemoración do centenario do nacemento de Celso Emilio Ferreiro, Radio Lugo – Cadena Ser impulsou a recompilación e difusión da súa poesía nas voces de 1.000 persoas de todos os ámbitos sociais.
O 20 de Setembro ás 11:30 horas terá lugar, no Salón de Actos da Excelentísima Deputación Provincial de Lugo, a sinatura protocolaria do compromiso de entrega dos arquivos sonoros do programa O Son da Nosa Fala. 1000 Voces para Celso Emilio Ferreiro de Radio Lugo – Cadena Ser á Real Academia Galega.

O acto contará coa presenza de Xosé Luís Méndez Ferrín, presidente da Real Academia Galega; Luis Ferreiro, fillo de Celso Emilio Ferreiro; Xosé Ramón Gómez Besteiro, presidente da Deputación Provincial de Lugo; Julio Beberide Martínez, presidente do Consello de Administración do Grupo Radio Lugo; cun representante de Novagalicia Banco e cos xornalistas promotores do proxecto, Paco Nieto e Tania Lombao.
Os poemas e lembranzas están sendo emitidos desde o mes de marzo nas emisoras da Cadena Ser na provincia de Lugo. Aquí pode escoitarse o poema “Tempo de chorar” na voz da actriz e cantante Alba Messa.

 

Artigos relacionados


“‘Longa noite de pedra’ non encaixou con parte do establishment galego da época”, entrevista con Ramón Nicolás
Entrevista con Ramón Nicolás no Faro da Cultura (Faro de Vigo): «O epistolario de Celso Emilio é un auténtico tesouro»
Celso Emilio, Digo Vietnam e basta.