«Onde o mundo se chama Celso Emilio Ferreiro», a esperada biografía de Celso Emilio Ferreiro, xa está nas librarías
11-09-2012- Web Xerais
Onde o mundo se chama Celso Emilio Ferreiro é unha biografía monumental, un libro que realiza un percorrido vital pola traxectoria persoal e literaria dun autor de referencia da literatura galega e que ve a luz cando se celebra o centenario do seu nacemento e os cincuenta anos da publicación de Longa noite de pedra. Esta biografía escrita por Ramón Nicolás, que viña transitando polos ecos e as pegadas do universo Celso Emilio Ferreiro desde hai anos, benefíciase da consulta de milleiros de documentos escritos e testemuños orais, dándolle forma a un relato no que se percibe o alento de moitas das persoas que o coñeceron. Ademais, a biografía integra o máis salientable dun epistolario riquísimo, polo que non se detén unicamente na esculca da faceta persoal de Celso Emilio, senón que establece un diálogo da parte máis íntima da súa vida coa fecunda actividade literaria, cultural e política que o caracterizou. O asedio á personalidade e mais ao herdo que Celso Emilio Ferreiro deixou, desde os días luminosos da infancia celanovesa ata os derradeiros momentos da súa vida en Vigo, constitúen o alicerce e sentido final desta voluminosa biografía, concibida, en palabras do seu autor, «coa vontade de sumar para que ese lume que alampea xamais o vexamos morto».
Celso Emilio en Radio Villalba Poesía
Collado-Villalba,10-09-2012
Celso Emilio Ferreiro no solo fue el mejor poeta gallego del pasado siglo sino también uno de los grandes rep resentantes de la poesía española de posguerra que escribieron en pleno régimen franquista y que sufrieron sus consecuencias por su oposición frontal a la dictadura.
Categoría:Ciencia y Cultura
Subcategoría:Arte y literatura
Género:Radio
Procedencia:España
Idioma:cast
«Onde o mundo se chama Celso Emilio Ferreiro», a esperada biografía de Celso Emilio Ferreiro, xa está nas librarías
Celso Emilio en Radio Villalba Poesía
Celso Emilio nas voces galegas de hoxe
PRESENTACIÓN DO LIBRO “CARTAFOL DE SOÑOS”, HOMENAXE A CELSO E. FERREIRO NO SEU CENTENARIO (1912-2012)
Tras o rastro de Celso Emilio
Celso Emilio nas voces galegas de hoxe
3-09-2012
Na Web da Real Academia Galega veñen de comunicar que:
En conmemoración do centenario do nacemento de Celso Emilio Ferreiro, Radio Lugo – Cadena Ser impulsou a recompilación e difusión da súa poesía nas voces de 1.000 persoas de todos os ámbitos sociais.
O 20 de Setembro ás 11:30 horas terá lugar, no Salón de Actos da Excelentísima Deputación Provincial de Lugo, a sinatura protocolaria do compromiso de entrega dos arquivos sonoros do programa O Son da Nosa Fala. 1000 Voces para Celso Emilio Ferreiro de Radio Lugo – Cadena Ser á Real Academia Galega.
O acto contará coa presenza de Xosé Luís Méndez Ferrín, presidente da Real Academia Galega; Luis Ferreiro, fillo de Celso Emilio Ferreiro; Xosé Ramón Gómez Besteiro, presidente da Deputación Provincial de Lugo; Julio Beberide Martínez, presidente do Consello de Administración do Grupo Radio Lugo; cun representante de Novagalicia Banco e cos xornalistas promotores do proxecto, Paco Nieto e Tania Lombao.
Os poemas e lembranzas están sendo emitidos desde o mes de marzo nas emisoras da Cadena Ser na provincia de Lugo. Aquí pode escoitarse o poema “Tempo de chorar” na voz da actriz e cantante Alba Messa.
«Onde o mundo se chama Celso Emilio Ferreiro», a esperada biografía de Celso Emilio Ferreiro, xa está nas librarías
Celso Emilio en Radio Villalba Poesía
Celso Emilio nas voces galegas de hoxe
PRESENTACIÓN DO LIBRO “CARTAFOL DE SOÑOS”, HOMENAXE A CELSO E. FERREIRO NO SEU CENTENARIO (1912-2012)
Tras o rastro de Celso Emilio
PRESENTACIÓN DO LIBRO “CARTAFOL DE SOÑOS”, HOMENAXE A CELSO E. FERREIRO NO SEU CENTENARIO (1912-2012)
A Asociación Alexandre Bóveda informa que o vindeiro venres 21 de setembro terá lugar a presentación do libro Cartafol de soños, homenaxe a Celso Emilio Ferreiro no seu centenario (1912-2012).No libro participaron os seguintes autores: Isaac Alonso Estraviz, Xosé Mª. Álvarez Cáccamo, Carmen Blanco, Vicente Araguas, Darío Xohán Cabana, Margarita Ledo Andión, Lois Diéguez, Xesús Rábade Paredes, Anxeles Penas, Claudio Rodríguez Fer, Alberte Suras e Luz Pozo Garza. Xunto coa colaboración gráficas de Felipe Senén.
Será ás 20:00 h. no salón de actos da asociación, con entrada aberta.
Cartafol de soños (Homenaxe a Celso Emilio Ferreiro no seu centenario) pretende ser unha humilde homenaxe de trece galegos que tiveron a honra e a fortuna de coñecer a Celso Emilio Ferreiro. A súa vida foi extraordinaria, chea de feitos e matices verosímiles e inverosímiles, pero tamén cunha abondosa dose de incomprensión e aldraxe. Celso Emilio nunca renunciou ao seu xeito de pensar. Era un home de conviccións políticas moi simples e que sempre as manifestaba dun xeito indubidable: “Estou contra a inxustiza, estou pola liberdade, estou en contra da explotación do home polo home e estou a favor de Galicia”. Estas conviccións eran o seu fundamento literario e poético. A poesía era para Celso Emilio una necesidade vital. A súa mensaxe de verdade, esperanza e loita permanece, aínda hoxe, plenamente vixente: “Non importa agardarei polo albor do novo día”. Os poemas que atoparedes nesta obra son froito da fermosa inspiración de cada un dos autores, pero tendo sempre presente a lembranza, o exemplo e as verbas do poeta de Celanova.
«Onde o mundo se chama Celso Emilio Ferreiro», a esperada biografía de Celso Emilio Ferreiro, xa está nas librarías
Celso Emilio en Radio Villalba Poesía
Celso Emilio nas voces galegas de hoxe
PRESENTACIÓN DO LIBRO “CARTAFOL DE SOÑOS”, HOMENAXE A CELSO E. FERREIRO NO SEU CENTENARIO (1912-2012)
Tras o rastro de Celso Emilio
Tras o rastro de Celso Emilio
La Región 24-08-2012
Nas últimas tres semanas, o equipo de rodaxe desplazouse por diferentes enclaves vitais do autor de ‘Longa noite de pedra’. Paisaxes de Oviedo, Vigo, Pontevedra, Caracas (Venezuela) ou Celanova serviron de base para retratar o Celso Emilio máis contemporáneo. ‘É un longametraxe 100% Celso Emilio. Moi fresco, pouco académico e onde tratamos de mixturar as súas facetas, o seu carácter auténtico, verdadeiro e combativo, pero sin mitificalo’, advirte Álvarez.
RECONCILIACIÓN CO POBO
Dirixido sobre todo para a xente máis nova, pero que a bo seguro enganchará a todas as idades, o documental mixtura ritmos de rap e hip-hop, coas testemuñas de artistas e veciños que lembran o Celso Emilio máis intimo e o recitado dos seus poemas más representativos. ‘Non lembro cando foi a derradeira vez que o vin, pero si me quedou marcada unha das últimas conversas, onde un Celso Emilio emocionado me confesou a falta de cariño que sentira dos seus veciños, nunha Celanova onde non tiña tantos amigos como il pensaba’, lembra Baldomero Moreiras. Hoxe, cen anos despois, ise sentimento está esquecido.
Máis de 70 persoas colaboran neste proxecto audiovisual impregnado de celanovismo. Dende o seu director Aser Álvarez ata o traballo de son de Javier da Silva, pasando polos artistas locais Baldomero Moreiras ou Méndez Ferrín, así como unha dúcia de amigos e veciños do poeta. O documental, como as obras e publicacións que xurdiron neste ano do centenario, son unha demostración de que o pobo quere ao poeta. ‘E ista biografía audiovisual é a escenificación desa reconciliación, necesaria e de xustiza. Porque fixo máis polo coñecemento de Celanova no mundo que calquera’.
Ao pé da imaxe doutro grande celanovés, Manuel Curros Enríquez, Aser Álvarez lembra a Celso Emilio como un dos referentes da poesía galega, ‘cun discuso que sigue sendo vixente, porque a súa poesía non envellece’.